Urusla von der Leyen në turne në Ballkan – Diskuton në Serbi marrëdhëniet me Kosovën dhe energjinë

Ka premtime për prosperitet në pjesën serbe të turit ballkanik të Presidentit të Komisionit Evropian. Ursula von der Leyen u takua me presidentin serb Aleksander Vuçiq në Beograd. Marrëdhëniet e trazuara me Kosovën ishin në agjendë, bashkë me energjinë.

Pas vizitës në vendin e ndërtimit të interkonjeksionit të gazit Serbi-Bullgari, von der Leyen foli për të shkuar më tej.

“Ajo që duam të shohim nuk është vetëm që gazi të rrjedh nga Bullgaria në Serbi, por ky projekt do të jetë një hap më tej për të na afruar me njëri-tjetrin”, shpjegoi von der Leyen. “Do të hapë tregun e gazit të Serbisë për diversifikim. Do të përmirësojë sigurinë energjetike të Serbisë.”

Puna, e cila është pjesë e përpjekjeve të BE-së për diversifikimin e energjisë, duhet të përfundojë brenda një viti.

Përpara se të udhëtonte për në Serbi, von der Leyen ishte në Bosnje dhe Hercegovinë, një tjetër vend që pret prej shumë vitesh për t’u anëtarësuar në Bashkimin Evropian.

Ajo u bëri thirrje autoriteteve boshnjake që të përfitojnë nga oferta e anëtarësimit në BE për të kapërcyer ndarjet midis myslimanëve, kroatëve dhe serbëve.

Von der Leyen kujtoi gjithashtu se BE-ja po cakton një paketë prej 500 milionë euro për burimet e reja të energjisë në një rajon që ka qenë një fokus tradicional i destabilitetit dhe është nën ndikimin e fortë të Rusisë dhe Kinës.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.