WhatsApp ndalon telefonatat e padëshiruara – Gati aplikacioni kundër numrave të panjohur

WhatsApp po përgatitet të lançojë një nga ristë më të rëndësishme dhe të pritura me padurim nga përdoruesit e tij të shumtë në mbarë botën: aplikacioni i famshëm i mesazheve të çastit po teston në fakt një funksion specifik që do të bëjë të mundur t’i thuash lamtumirë fenomenit të thirrjeve të padëshiruara nga numrat e panjohur.

Prandaj, në të njëjtën kohë, që teknikët po punojnë për të lejuar transformimin e imazheve të WhatsApp-it, po bëhen hapa të mëdhenj për t’u vënë në dispozicion përdoruesve të aplikacionit një opsion që u lejon atyre të kundërshtojnë një herë e përgjithmonë gjithë thirrjet obsesive nga kontakte të panjohura. Versioni beta i Android është ai i zgjedhur për të testuar risinë më të fundit të rëndësishme, falë së cilës do të jetë e mundur që të mbyllen automatikisht të gjitha thirrjet e padëshiruara që vijnë nga numra që nuk kanë lidhje me listën e kontakteve.

Një fenomen që po përhapet me shpejtësi, sidomos kohët e fundit dhe që ka filluar të fshehë më shumë gracka shqetësuese sesa telefonatat e thjeshta reklamuese. Madje, gjithnjë e më shumë po bëhen përpjekje nga persona të panjohur për të zotëruar të dhënat sensitive të viktimave apo në disa raste dhe për të nxitur personat për të kryer pagesa.

Rreziku që numri juaj të bëhet një objektiv i privilegjuar i të huajve dhe mashtruesve është rritur, pasi sapo të bashkoheni në një grup chat-i, në fakt, mund të kontaktoheni nga njerëz të lidhur me të njëjtin komunitet. Kjo është arsyeja pse është ecur me hapa të shpejtë në zhvillimin e kësaj veçorie.

Zilja e telefonit nuk do të bjerë, gjithësesi telefonata ‘e heshtur’ do të rezultojë e regjistruar në listën e lajmërimeve të aplikacionit, me objektivin për të lejuar rekuperimin e informacioneve që lidhen me personin që është përpjekur të lidhet me ju. Nuk është dhënë ende një datë zyrtare për aktivizimin e këtij aplikacioni, por ka shumë mundësi të ndodhë sa më shpejt, meqënëse përdoruesit e WhatsApp e kërkojnë me këmbëngulje këtë risi.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.