Zëvendësimi i baterisë pothuajse i “pamundur” – Çmimi për automjetet elektrike shkon deri në 25 mijë euro në varësi të modelit

Pjesët këmbimit të një automjeti elektrik kushtojnë shumë më shumë se ato të një automjeti të zakonshëm. Përhapja e pakët e tyre në qarkullim sjell një kosto më të lartë të pjesëve të këmbimit.

Në rastin e baterisë së automjeteve elektrike, zëvendësimi i saj ka një kosto shumë më të lartë në krahasim me atë të automjeteve me motor me djegie të brendshme. Bateritë e automjeteve elektrike kanë një peshë shumë më të madhe në funksionimin e automjtetit dhe janë shumë të komplikuara.

Nëse garancia e automjetit elektrik ka skaduar, zëvendësimi i baterisë mund të kushtojë nga 15 mijë deri në 25 mijë euro në varësi të modelit. Por garancia për një automjet elektrik ka një afat nga 8 deri në 10 vjet.

Gjithashtu duke qenë se janë modele shumë teknologjike ndodh shumë rrallë që bateria të prishet apo të dëmtohet rëndë. Pjesa më e madhe e baterive – në rast se nuk ka një defekt prodhimi – pritet të zgjasin shumë.

Për më tepër cmimi i automjeteve elektrike do të ulet ndjeshëm me kalimin e viteve, si pasojë dhe pjesët e këmbimit do të jenë më të lira dhe më të përballuaeshme. Ndërkohë që dhe teknologjitë që lidhen me baterinë dhe automjetet elektrike në përgjithësi do të përmirësohen me kalimin e viteve.

Ekspertët këshillojnë që të blihet një automjet elektrik i ri dhe jo i përdorur pasi nuk mund të vlerësohet se si pronari i mëparshëm ka mirëmbajtur baterinë.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.