Zyrat e punësimit, në “filtër” trajnimi – Raporti/ Stafi të përzgjidhet në bazë aftësish. Kyç, cilësia e shërbimeve

Punonjësit që ofrojnë shërbime ndërmjetësimi në zyrat e punës në të gjithë vendin kanë nevojë për trajnim, në mënyrë që këto shërbime të jenë sa më cilësore dhe të arrijnë qëllimin final.  Në këtë konkluzion del raporti vjetor i hartuar në kuadër të Strategjisë Kombëtare për Punësim dhe Aftësi, ku theksohet se është bërë një analizë e detajuar e nevojave për trajnim për të gjithë stafin e Zyrave të Punësimit, ku vihet re se disa paketa trajnimi ishin të qëndrueshme dhe një program trajnimi gjithëpërfshirës është aktualisht në vazhdim.

Raporti thekson se është e rëndësishme të prezantohet modeli i kompetencave, duke mbuluar lidhjen e përshkrimeve të vendeve të punës, përzgjedhjen e kandidatëve bazuar në kompetencat e kërkuara për kryerjen e detyrave të punës, vlerësimi i performancës dhe zhvillimi i kompetencave që mund ta ndihmojnë për të performuar më mirë. Si rezultat i anketës së kryer është evidentuar se kompetencat që u theksuan si më të rëndësishmet në punë priren të jenë edhe kompetencat ku të anketuarit ndihen më kompetentë.

Megjithatë, është e mundur të zgjidhen kompetencat që duhet të jenë përmirësuar dhe zhvilluar pavarësisht nga niveli i gjerë i përvojës së punës së stafit të Agjencisë Kombëtare për Punësim dhe Aftësi. Për më tepër fokusi në rritje në zhvillimin e shërbimeve dhe ofrimin e shërbimeve cilësore, thekson domosdoshmërinë për përmirësimit të kompetencave që lidhen me nevojat e klientëve – shtrirje proaktive, këshillim punësimi, teknikat e ndërmjetësimit në punë dhe analiza e tregut të punës.

Raporti nënvizon se, trajnimi, zhvillimi dhe ngritja e kapaciteteve të stafit të Agjencisë për Punësim dhe Aftësi duhet të konsiderohet si një prioritet kyç. Sipas dokumentit, është thelbësore të zhvillohet një sistem i qartë i ngritjes së kapaciteteve për stafin. Raporti nënvizon se sistemi duhet të jetë pjesë e Menaxhimi i burimeve njerëzore – i lidhur drejtpërdrejt me përshkrimet e punës, menaxhimin e performancës, vlerësimin të performancës së stafit individual, vlerësimi të nevojave për trajnim si dhe duke marrë parasysh qëllimet strategjike.

Ndërsa vihet theksi tek ideja se ngritja e kapaciteteve duhet kuptuar si një proces i vazhdueshëm dhe i vazhdueshëm kur aftësitë e personelit zhvillohen dhe forcohen bazuar në ndryshimin e mjedisit. Deri në fund të vitit 2021 janë trajnuar afro 219 punonjës.

Elisabeta Dosku / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.