2 milionë euro për mbrojtjen e mjedisit – Rama e Balluku, te Albchrome në Elbasan: Investimi përmbush standardet

Kryeministri Edi Rama së bashku me zëvendëskryeministren Belinda Balluku, inspektuan industrinë e Ferrokromit të AlbChrome në qytetin e Elbasanit. Gjatë fjalës së tij, kryeministri Rama fokusin e vuri në rëndësinë e kushteve të punës. Ai u shpreh se vendi është në fazë të re suksesi dhe se kompanitë duhet të kenë një angazhim në respektim dhe përmirësim të cilësisë së mjedisit.

“Sot na solli këtu një premtim i mbajtur i kompanisë pas një udhëkryqi dhe ngërçi të krijuar si rezultat i reagimit legjitim të komunitetit dhe të institucioneve shtetërore për të ndalur implementimin e CO2, duke vendosur filtrat e domosdoshëm. Për ne ishte e rëndësishme që ky të ishte prioritet numër 1 i kompanisë. Transformimi po bëhet pë kushte më të mira për punëtorët. Sistemi i filtrimit është 2 milionë euro investim. I thashë zotit Ilirim që ne do të vijmë për ta kremtuar këtë fakt që është i mirëpritur për komunitetin, nga institucionet e shtetit, që është një betejë që do e fitojmë të gjithë bashkë. Kjo duke arritur të ndërtojmë urat e dialogut. Paga mesatare e kompanisë AlbChrome në tërësi është 1000 euro dhe paga mesatare e kompanisë ALbchrome këtu në këtë impiant është rreth 900 euro. Kjo është një pagë e konsiderueshme dhe rrespektueshme, krahasimisht nga jemi nisur 10 vjet më parë” tha Rama.

Ndërsa, në fjalën e saj, zv/kryeministrja, njëherësh ministre e Energjisë dhe Infrastrukturës, Belinda Balluku, theksoi se kjo industri prodhon rreth 3200 ton ferrokrom të pastër dhe se përmbush të gjithë standardet e sigurisë.

“Kjo uzinë përpunon 8500 ton mineral kromi në muaj dhe prodhon 3200 ton ferrokrom të pastër. Kjo uzinë ka 180 punonjës të punësuar dhe përmbushen të gjitha standardet e sigurisë. Kemi gjetur një situatë aspak të mirë në këtë sektor. Para 5 vitesh ndoqëm një reformë të mirë. Kemi një fokus të plotë përsa i përket klimës së biznesit. Dhe jemi munduar të përmirësojmë të gjithë kuadrin ligjor. Dëshira e mirë është dhe ju keni mirëkuptimin se si duhet investuar” tha Balluku.

Sipas zëvëndës kryeministres ajo që duhet theksuar është se 100% e prodhimit të kromit vjen nga sketori privat, dhe se në këtë sektor punojnë më shumë se 7000 punëmarrës. Një vlerë e rëndësishmë është se prodhimi minerar arrin 150 milionë euro në vit dhe se kjo përkthehet në 1.5-2% të prodhimit të brendshëm bruto.

Diamila Leka/ SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.