9 të vdekur dhe disa të zhdukur prej përmbytjeve ‘një herë në shekull’ që goditën Europën Qendrore dhe Lindore!

Edel Strazimiri / SCAN

 

Nëntë persona kanë vdekur në përmbytjet e rënda që kanë goditur disa vende në Evropën Qendrore dhe Lindore, pasi reshjet e dendura të shkaktuara nga stuhia Boris detyruan disa evakuime dhe shkaktuan dëme të mëdha.

Përmbytjet morën gjashtë jetë në Rumani dhe nga një në Austri, Poloni dhe Republikën Çeke. Një person u mbyt të hënën në rajonin Bruntal të Republikës Çeke, tha shefi i policisë Martin Vondrášek për mediat lokale.

Shtatë persona janë gjithashtu të zhdukur në vend, katër më shumë se sa u regjistruan të dielën, pasi autoritetet kanë shpallur paralajmërimet më të larta për përmbytjet në 100 vende në të gjithë vendin.

Në qytetin Opava, deri në 10,000 njerëz janë kërkuar të evakuohen. Dy rajone verilindore shënuan reshjet më të mëdha në ditët e fundit me kryeministrin çek Petr Fiala duke paralajmëruar publikun se më e keqja “nuk ka mbetur ende prapa nesh” në një intervistë në televizionin publik të dielën.

Rumania, Austria dhe Polonia janë goditur gjithashtu nga përmbytjet e rënda që erdhën si rezultat i një sistemi me presion të ulët nga Italia veriore duke hedhur reshje rekord në rajon që nga e enjtja.

Në Rumani, gjashtë njerëz vdiqën në qarkun Galati pasi sasi të mëdha reshjesh dëmtuan mbi 6,000 shtëpi në zonën kryesisht rurale. Situata u vu kryesisht nën kontroll të dielën me qeverinë që organizoi misione shpëtimi për ata që kishin mbetur të pastrehë si rezultat i përmbytjeve, sipas Ministrisë së Brendshme të Rumanisë.

Një zjarrfikës ka humbur jetën në shtetin e Austrisë së Poshtme pasi i gjithë shteti që rrethon kryeqytetin e Vjenës është shpallur zonë fatkeqësie. Të dielën, kancelari austriak Karl Nehammer tha se situata po “përkeqësohej” pasi mbi 10,000 forca ndihmash evakuuan 1,100 shtëpi në pjesën verilindore të vendit.

Kryeministri polak Donald Tusk shpalli gjendjen e emergjencës nga fatkeqësitë natyrore dhe tha se një person supozohej i vdekur në jugperëndim të vendit, me situatën në qytetin Klodzko pranë kufirit me Republikën Çeke “dramatike” pasi përmbytjet shpërthyen përmes një dige. duke shkaktuar shembjen e një ure.

Disa zona të përmbytura po përdornin shërbimin e bazuar në satelit Starlink pasi panë furnizimet e tyre me energji dhe komunikimet të ndërprera si rezultat i përmbytjeve, tha Tusk. Reshje të tjera të dendura shiu pritet të godasin menjëherë Sllovakinë dhe Hungarinë.

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.