Anton Martini, në krye të “Hetimit Tatimor” – Përpjekjet e Administratës Tatimore kundër evazionit fiskal, në stad të ri

Ernilda Luzi/Scan

Anton Martini është drejtori i ri i “Hetimit Tatimor”, struktura e Drejtorisë së Përgjithshme të Tatimeve që ka si funksion hetimin e bizneseve për evazion fiskal.

Gjatë prezantimit, drejtori i Përgjithshëm i Tatimeve, Ilir Binaj, u shpreh se Anton Martini, falë përvojës dhe reputacionit në fushën e drejtësisë do të udhëheqë një nga strukturat më të rëndësishme në përpjekjen e Administratës Tatimore kundër evazionit fiskal.

Martini vjen nga një përvojë e gjatë në fushën e hetimit duke reflektuar integritet të lartë profesional.

Ai pritet të drejtojë me sukses dhe efikasitet Drejtorinë e Hetimit, si struktura pararojë në përpjekjet për të siguruar zbatimin e ligjeve tatimore.

 

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.