Bankat presin ngadalësim të fitimeve vitin e ardhshëm – Rriten me 2% kreditë me probleme, ekuivalente me 7 miliardë euro
Bankat në të gjithë Bashkimin Europian përjetuan një rritje të kredive për kompanitë e vogla dhe të mesme në tremujorin e parë të vitit, megjithëse përfitueshmëria vijoi.
Autoriteti Bankar Europian – EBA tha se rreziqet e kredisë kanë filluar të materializohen me një rritje të kredive me probleme – NPL, në tre muajt deri në mars. Në një deklaratë për media bëhet e ditur se rentabiliteti i bankave të BE-së mbetet elastik edhe pse sektori po përballet me risqe të materializimit të kredisë.
Shumica e bankave të anketuara presin përkeqësim të mëtejshëm të cilësisë së aktiveve në CRE – pasuri të paluajtshme komerciale, kredi për SME-të dhe kredi konsumatore në 6-12 muajt e ardhshëm.
Normat e interesit në eurozonë janë rritur ndjeshëm për të shtypur inflacionin, duke i bërë kreditë më të shtrenjta, megjithëse Banka Qendrore Europiane filloi të ulë normat këtë muaj, duke sinjalizuar se kulmi i eurozonës në kostot e huamarrjes ka kaluar. Bankat e BE-së presin një ngadalësim të fitimeve në 6-12 muajt e ardhshëm mes uljes së normave të interesit, megjithëse kreditë pritet të rriten, thekson EBA. Bankat raportuan se kreditë me probleme u rritën me 2%, tremujor në tremujor, ekuivalente me 7 miliardë euro.
Kostoja e rrezikut të bankave për bankat, një tregues i humbjeve nga kreditë, gjithashtu u rrit në nivele të paprecedente që nga pandemia COVID-19 në 2020-ën.
Rregullatorët kanë filluar të shqyrtojnë lidhjet midis bankave dhe “jo-bankave” si fondet e investimeve dhe siguruesit, një fushë ku të dhënat për vlerësimin e rrezikut sistemik janë të paqarta.
Komisioni Europian ekzekutiv i BE-së po shqyrton nëse do të duhen rregulla të reja. Megjithatë, shumica e bankave argumentojnë se lidhjet e drejtpërdrejta me ‘jo-banka’-t janë me rreziqe të kufizuara, përfundon raportin e saj EBA.
Dorina Kurtaj / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.