BE bie dakord për kufirin e çmimit të gazit për të mbrojtur konsumatorët!
![](https://scantv.al/wp-content/uploads/2022/12/gaz-765x383.jpg)
Nga 15 shkurti, çmimet do të mbahen në 180 euro për megavat orë nëse e kalojnë këtë nivel tre ditë radhazi.
Ai pason disa javë grindjesh në të cilat Gjermania dhe të tjerët kërkuan masa mbrojtëse për të siguruar që kufiri do të pezullohej nëse do të kishte pasoja negative.
Çmimet e gazit janë rritur pasi vendet e BE-së kërkojnë mënyra për të importuar më pak gaz rus.
Para se të pushtonte Ukrainën, Moska furnizonte 40% të gazit të përdorur në të gjithë bllokun, por këto flukse kanë rënë ndjeshëm duke ushtruar presion mbi çmimet e shitjes me shumicë.
Gjatë verës, çmimi standard i Europës për gazin natyror të dorëzuar nëpërmjet tubacionit u rrit për pak kohë në gati 340 euro për megavat orë – më shumë se tre herë sesa tani.
Kufiri, i cili është krijuar për të kontrolluar këto pika, ka muaj që po bëhet, me qeveritë e BE-së të ndara thellësisht se si ta zbatojnë atë.
Disa vende si Franca dhe Spanja donin të vendosnin urgjentisht një kufi për të mbrojtur konsumatorët.
Por të tjerët, duke përfshirë Gjermaninë, Austrinë dhe Danimarkën, ishin të shqetësuar se masa do të trembte furnizuesit e gazit natyror të lëngshëm (LNG) nga Lindja e Mesme dhe gjetkë.
Në fund skeptikët mbështetën kufirin prej 180 eurosh, i cili ishte shumë më i ulët se kufiri prej 275 eurosh i propozuar fillimisht nga Komisioni Evropian.
Kryeministri i Polonisë Mateusz Morawiecki përshëndeti marrëveshjen në Twitter të hënën.
“Në takimet e fundit në Bruksel, koalicioni ynë i shumicës arriti të thyejë rezistencën – kryesisht nga Gjermania”, shkruan ai. “Kjo do të thotë fundi i manipulimit të tregut nga Rusia dhe [furnizuesi kryesor] i saj Gazprom.”
Kufiri – i cili gjithashtu do të ndikohet nga çmimi i LNG-së në tregjet globale – do të zbatohet për të paktën 20 ditë pune pasi të aktivizohet. Megjithatë, mund të çaktivizohet automatikisht nëse çmimet bien nën 180 euro për tre ditë pune radhazi.
Edel Strazimiri / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.