Biden do të vendosë tarifa të reja ndaj Kinës – Për bateritë e makinave elektrike, panelet diellore dhe medikamentet

Presidenti i SHBA, Joe Biden do të shpallë tarifat e reja ndaj Kinës këtë javë duke synuar sektorët strategjikë, që përfshijnë një rritje të madhe të taksave për automjetet elektrike. Vendimi që pritet të martën, do të ruajë tarifat ekzistuese për shumë mallra kineze të vendosura nga ish-presidenti Donald Trump.

Gjithashtu, pritet të vendosen tarifa të reja për gjysmëpërçuesit dhe panelet diellore. Furnizimet mjekësore të prodhimit kinez si shiringat dhe pajisjet mbrojtëse personale gjithashtu përballen me tarifa shtesë.

Tarifat për automjetet elektrike kineze pothuajse do të katërfishohen, sipas planit të ri Biden. Kryetari i Komitetit Bankar të Senatit, kërkon që administrata Biden të ndalojë plotësisht automjetet elektrike kineze, për shkak të shqetësimeve që ato paraqesin për të dhënat personale të amerikanëve.

Zyra e Përfaqësuesit të Tregtisë së SHBA-së i bëri rekomandimet e saj Shtëpisë së Bardhë javë më parë.

Biden, po kërkon të përballet në qasjen e tij me atë të kandidatit republikan Trump, i cili ka propozuar tarifa të përgjithshme që zyrtarët e Shtëpisë së Bardhë i shohin si shumë të hapura dhe të prirura për të rritur inflacionin. Trump ka premtuar tarifa 60%, ose më të larta për të gjitha mallrat kineze.

Masat mund të nxisin hakmarrje nga Kina në një kohë të tensioneve të rritura midis dy ekonomive më të mëdha në botë. Vendosja më e gjerë e tarifave nga Trump gjatë presidencës së tij 2017-2021 nisi një luftë tarifore me Kinën.

Të dy kandidatët për President janë larguar ndjeshëm nga konsensusi i tregtisë së lirë që dikur mbretëronte në Uashington, një periudhë e kufizuar nga anëtarësimi i Kinës në Organizatën Botërore të Tregtisë në 2001.

Dorian Koça/SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.