Cilat janë 10 qytetet më të pasura në botë? – Publikohet raporti për vitin 2024. Nju Jorku, në vend të parë

Sipas Raportit të Qyteteve më të Pasur në Botë 2024, pasuria totale që zotërohet nga banorët e Nju Jorkut tani tejkalon 3 trilionë dollarë. Me një total prej 349,000 milionerësh dhe 60 miliarderësh, Nju Jorku është qyteti më i pasur në botë dhe i dyti më i shtrenjtë për të jetuar pas Monakos.

Në listën e qyteteve më të pasura kryeson SHBA-ja me 11 qytete, ndërsa Tokio, i cili ishte qyteti më i pasur në botë një dekadë më parë, ka pësuar një rënie prej 5% të popullsisë së saj rezidente në dhjetë vitet e fundit dhe është tani në vendin e 3-të me vetëm 298,300 milionerë.

Londra, qyteti më i pasur në botë për shumë vite, vazhdon të rrëshqasë në renditje dhe tani është në vendin e 5-të me vetëm 227,000 milionerë, një rënie prej 10% gjatë dekadës së fundit.

Në të kundërt, Los Angeles, “shtëpia” e 212,100 milionerëve është ngjitur me dy vende gjatë periudhës 10-vjeçare në vendin e 6-të dhe ka parë një rritje të jashtëzakonshme prej 45% të popullsisë së saj të pasur.

Parisi, qyteti më i pasur në Evropën kontinentale, ruan vendin e 7-të në renditje me 165,000 banorë milionerë, ndërsa Sidnej ngjitet në vendin e 8-të me 147,000 milionerë, duke përjetuar një rritje jashtëzakonisht të fortë të pasurisë gjatë 20 viteve të fundit.

Pekini (125,600 milionerë) hyn në Top 10 për herë të parë pas një rritje prej 90% të popullsisë së tij milionerësh gjatë dekadës së fundit, dhe megjithëse Hong Kongu ka rënë me katër vende gjatë renditjes 10-vjeçare në vendin e 9-të.

Monako, ndoshta streha kryesore e sigurt në botë për ultra të pasurit, ku pasuria mesatare i kalon 20 milionë dollarë, është gjithashtu qyteti numër një në botë për nga pasuria për frymë. Ai kryeson gjithashtu listën e qyteteve më të shtrenjta në botë, me çmimet e apartamenteve që kalojnë rregullisht 35,000 dollarë për metër katror.

Qyteti i Nju Jorkut renditet i dyti, me çmimin mesatar të pasurive të paluajtshme kryesore që është 28,400 dollarë për metër katror, i ndjekur nga Londra (26,500 dollarë për metër katror), Hong Kongu (25,800 dollarë për metër katror), etj.

Dorian Koça/SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.