Cilat janë aeroportet më të mira në botë për vitin 2023?!
![](https://scantv.al/wp-content/uploads/2023/03/doha-airport-765x383.jpg)
Një parajsë plot dritë dhe e gjelbër që e cilëson veten si një “destinacion në vetvete”, Aeroporti Changi i Singaporit është rikthyer në vendin e tij në krye të renditjes vjetore të Skytrax të aeroporteve më të mira në botë. Skytrax, një sajt vlerësimi i renditjes së linjave ajrore dhe aeroporteve me bazë në Mbretërinë e Bashkuar, përpilon listën e saj duke anketuar udhëtarët nga e gjithë bota dhe duke u kërkuar atyre të vlerësojnë të gjithë përvojën e aeroportit nga check-in në nisje dhe gjithçka në mes.
Aeroporti Changi i Singaporit kryesonte më parë listën e Skytrax për tetë vjet me radhë, por në 2021 dhe 2022 ranë disa pika poshtë listës pasi numri i pasagjerëve ra gjatë pandemisë, me Aeroportin Ndërkombëtar Hamad në Doha, Katar, duke marrë kryesimin.
“Aeroporti Changi i Singaporit ka qenë gjithmonë një i preferuar i përhershëm i udhëtarëve dhe natyrisht ka rënë gjatë Covid-19 kur operacionet u shkurtuan në mënyrë drastike,” tha Peter Miller i Skytrax. Miller thotë se aeroporti Changi “ofron diçka për të gjithë” dhe sugjeron se është një “motor kyç” i popullaritetit të tij të vazhdueshëm. Disa nga bukuritë e Changit përfshijnë një ujëvarë të brendshme spektakolare 40 metra të lartë, një kopsht fluturash dhe një kinema IMAX për të mos përmendur më shumë se 280 pika shitjeje me pakicë dhe ngrënie, perfekte për të vrarë kohën gjatë një qëndrimi.
Aeroporti Ndërkombëtar Hamad, i cili këtë vit fitoi vendin e dytë në listën e Skytrax, ofron gjithashtu komoditete të dizajnuara për udhëtarët tranzit duke përfshirë turne në qytet për ata që kalojnë më shumë se tetë orë duke pritur për fluturimin e tyre lidhës. Këtë vit, pesëshja më e mirë e Skytrax 2023 u përmbyll nga Aeroporti Ndërkombëtar i Tokios, i njohur si Haneda, (numri tre), Aeroporti Ndërkombëtar Incheon (numri katër) dhe Aeroporti Charles de Gaulle i Parisit (numri pesë).
Skytrax, 20 aeroportet më të mirë në botë për vitin 2023!
- Aeroporti Changi i Singaporit
- Aeroporti Ndërkombëtar Hamad
- Aeroporti Ndërkombëtar i Tokios (Haneda)
- Aeroporti Ndërkombëtar Incheon
- Aeroporti i Parisit Charles de Gaulle
- Aeroporti i Stambollit
- Aeroporti i Mynihut
- Aeroporti i Cyrihut
- Aeroporti Ndërkombëtar Narita
- Aeroporti Madrid-Barajas
- Aeroporti Ndërkombëtar i Vjenës
- Aeroporti Helsinki-Vantaa
- Aeroporti Fiumicino i Romës
- Aeroporti i Kopenhagës
- Aeroporti Ndërkombëtar Kansai
- Aeroporti Ndërkombëtar Chubu Centrair
- Aeroporti Ndërkombëtar i Dubait
- Aeroporti Ndërkombëtar Seattle-Tacoma
- Aeroporti i Melburnit
- Aeroporti Ndërkombëtar i Vankuverit
Edel Strazimiri / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.