Demografia “godet” më fort Europën Jugore – Italia, Portugalia, Greqia dhe Spanja, në situatën më të keqe
Dorina Kurtaj / SCAN
Sipas analizave dhe të dhënave më të fundit të UBS-së, Europa po përjeton një ndryshim demografik dramatik. Deri në vitin 2050 popullsia e BE-së pritet të tkurret nga 447 milionë në 423 milion – një rënie prej 24 milionë ose 5.4%. Çdo vit, popullsia në moshë pune të BE-së do të ulet mesatarisht me rreth 1.7 milion, ose 0.6% e totalit të popullsisë në moshë pune.
Vendet e Jugut po përballen me tendencat demografike më të pafavorshme në Europë, të cilat pritet të përkeqësohen edhe më shumë në dekadat e ardhshme, argumenton UBS. Në fakt, Greqia renditet në vendin e katërt më keq kur bëhet fjalë për treguesit demografikë, si rritja e popullsisë, normat e lindshmërisë, jetëgjatësia dhe njerëzit në moshë pune. Më në detaje, siç vëren UBS, Europa po përjeton një ndryshim demografik dramatik. Tranzicioni demografik nuk do të thotë vetëm se Europa do të ketë gjithnjë e më pak njerëz që punojnë, siç thekson UBS, do të thotë gjithashtu se mosha mesatare e punës po rritet.
Kostoja totale e plakjes, p.sh. shpenzimet për pensionet, kujdesin shëndetësor, kujdesin afatgjatë, etj., vlerësohet në 24.2% të PBB-së së BE-së në vitin 2023 dhe pritet të rritet në 25.5% deri në vitin 2050. Në përgjithësi, tranzicioni demografik do të ketë pasoja të rëndësishme për trendin e rritjes së PBB-së europiane, tendencat e produktivitetit dhe shpenzimeve, si dhe financat publike, si dhe mund të ndikojë në inflacion dhe norma interesi.
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.