Digitalb bashkon Shqipërinë e Kosovën, Premier League për katër sezone në SuperSport
![](https://scantv.al/wp-content/uploads/2024/07/photo_5832723132119631173_y-765x383.jpg)
Premier League, apo kampionati më i fortë e spektakolar në planet bëhet gati për të nisur një tjetër sezon magjik. Duke nisur nga 16 gushti, yjet e futbollit botëror do të zbarkojnë në impiantet më emblematike si “Anfield”, ‘’Old Trafford’’, “Etihad Stadium”, Stamford Bridge”, “Emirates Stadium”, në tokën ku u krijua sporti më i dashur në planet, për të na dhuruar një tjetër sezon spektakolar.
Emrat më të mëdhenj të futbollit anglez e jo vetëm si Liverpool, Manchester United, Manchester City, Chelsea, e Arsenal do mbërthejnë para ekranit të SuperSport të pasionuarit pas futbollit. Të gjitha ndeshjet e Premier League do të vijnë javë pas jave në shtëpitë e të gjithë shqiptarëve përmes Digitalb, që deri në vitin 2028 do të ketë ekskluzivitetin e kampionatit më magjik të futbollit për Shqipërinë dhe Kosovën.
Erling Halaand, Mohamed Salah, Kevin De Bruyne, Bukayo Saka e shumë të tjerë, janë të gatshëm për të ngritur peshë zemrat e të gjithë tifozëve me golat e tyre. Kampionati në i fortë në planet është gati për të nisur një sezon që pa dyshim do të jetë i paharrueshëm.
Digitalb do të jetë bashkëudhëtar i kampionatit më të fortë në botë edhe për katër sezone, që do të jetë plot surpriza si për Shqipërinë ashtu dhe për Kosovë.
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.