“Shqipëria nis pagesat e shpejta në nëntor” - Bregu: Infrastruktura thuajse gati. Një institucion financiar jobankë, pjesë e SEPA në gusht
Pagesat e menjëhershme pritet të jenë një realitet për Shqipërinë në nëntor të këtij viti, kur të nisë zyrtarisht zbatimi i sistemit të instant payment. Në një intervistë për Televizionin Scan, Drejtoresha e Sistemeve të Pagesave, Kontabilitetit dhe Financës në Bankën e Shqipërisë, Ledia Bregu, u shpreh se pas punës së bërë nga Banka e Shqipërisë për përmbushjen e kërkesave teknike për lidhjen me TIPS, klon i Bankës së Italisë, qytetarët do të kenë mundësi së shpejti të kryejnë transferta brenda pak sekondash, 24 orë në ditë dhe në 7 ditë të javës.
Kur dëshironi të bleni një produkt, tregtari do t'ju ofrojë një kod QR që ta skanoni nëpërmjet telefonit dhe të kryeni menjëherë pagesën, pa qenë nevoja të nxirrni kartën dhe pa përdorur një terminal POS. Aktualisht, dy vende të tjera të rajonit kanë nisur zbatimin e sistemit të pagesave të shpejta.
“Objektivi më aktual është nëntori, që do të thotë në nëntor, koordinuar dhe me gjithë tregun bankar dhe jobankar, do të dalim live me infrastrukturën e Instant Payment, që do të thotë, pagesa shumë më të shpejta në kohë reale, brenda maksimumi 20 sekondave, në platformën e TIPS-clone, që është një platformë e ofruar nga Banka e Italisë, është identike me platformën e e ECB-së, të Bashkimit Evropian, që është platforma TIPS. Një synim shumë i madh është njëkohësisht dhe konkurrueshmëria e transaksioneve me karta, pra, do të ofrohen modele, një model i pagesave me QR code, i cili i mundëson tregtarëve të ofrojnë pagesa elektronike, pavarësisht cilën bankë apo jobankë zgjedhin, në mënyrë dhe në një formë apo me një kosto shumë më të lirë sesa transaksionet me kartë dhe me POS”, tha Bregu.
Duke nisur nga tetori i vitit të kaluar, bankat do të realizonin transferta ndërkufitare me kosto 5-10 herë më të ulët përmes SEPA. Drejtoresha e Sistemeve të Pagesave deklaroi se në fillim të gushtit, Zonës Unike të Pagesave në Euro do t'i shtohet edhe një institucion financiar jobankë.
“Për fatin e mirë, jemi të parët në Ballkan që ka një institucion financiar jobankë, i cili del live në fillim të muajit gusht, i cili do të ofrojë transferta krediti në SEPA. Dëshira dhe nevoja e tyre për të bërë edhe ato transferta krediti në SEPA për të përfituar ka qenë goxha e madhe gjatë procesit të integrimit në këtë zonë unike. Është disa më me komplekse sesa bankat, pasi janë institucione financiare më të vogla, kanë një kredibilitet ende të paprovuar, kështu që është një ushtrim shumë më kompleks për ta që t'i tregojnë, le të themi, kundërpalëve të tyre në sistemet e pagesave evropiane që janë po aq të sigurta, po aq efektive, efiçente për të ofruar një skemë të tillë”, u shpreh Drejtoresha e Sistemeve të Pagesave.
Të dyja këto sisteme rrisin përfshirjen financiare dhe ulin koston e transaksioneve për biznesin dhe konsumatorët.
Pas aksidentit tragjik, DPSHTRR reagon: Dy shtetasit egjiptianë nuk kishin leje drejtimi shqiptare
Drejtoria e Përgjithshme e Shërbimeve të Transportit Rrugor (DPSHTRR) ka reaguar pas lajmeve të publikuara në media lidhur me pretendimet se dy shtetas......
Kuvendi voton mes tensioneve/ Miratohen pr.ligjet “Për kontabilitetin dhe pasqyrat financiare”, “Pronësinë industriale”, “Turizmin”. Ismail Shehu, kryetar i KPP-së
Në një situatë të tensionuar, Kuvendi votoi sot projektligjet në rendin e ditës, ku deputetët e opozitës bllokuan foltoren duke kontestuar procesin e......
“Tjetër hap për përmirësimin e infrastrukturës urbane”/ Rama publikon pamjet nga punimet në rrugën "Adria"
Kryeministri Edi Rama ka publikuar një video nga ecuria e punimeve në rrugën “Adria” në Durrës, duke e cilësuar projektin si një nga investimet më të......
Më 27 Korrik, konferencë ndërkombëtare në Tiranë/ ‘Përballja me manipulimin e informacionit dhe ndërhyrjen e huaj’
Ministria për Evropën dhe Punët e Jashtme do të organizojë më 27 Korrik në Tiranë konferencën ndërkombëtare “Përballja me Manipulimin dhe Ndërhyrjen e Huaj në......
Investitorët e huaj, interes për Shqipërinë/ Mbi 11 mijë biznese të reja në 6 muaj. Kryesojnë Tirana, Vlora e Durrësi
Bizneset në Shqipëri kanë patur një ecuri pozitive të aktivitetit të tyre ekonomik dhe administrativ përgjatë 6-mujorit të parë të 2026-ës. Referuar të......
Fluturimet shtrenjtohen në nisje të sezonit veror/ Biletat e avionit, Greqia dhe Shqipëria ndjeshëm mbi mesataren e BE-së
Udhëtimet me avion janë bërë ndjeshëm më të shtrenjta në Shqipëri, pikërisht në periudhën kur nis sezoni veror dhe shtohet kërkesa për fluturime. Sipas të......
BE i vendos Google gjobë prej 890 milionë euro
Komisioni Evropian njoftoi të enjten një gjobë prej 890 milionë euro kundër Google për praktikat e dyshuara të vetëpreferencës dhe trajtimin e padrejtë të......
“Rritet transparenca dhe siguria online” - Karakaçi: Pr/ligji i ri plotëson boshllëkun ligjor për shërbimet digjitale
Më shumë transparencë për reklamat që shfaqen në rrjetet sociale, mekanizma ankimi për llogaritë e bllokuara dhe masa më të forta kundër përmbajtjeve të......
