Zaçaj: Ekonomia shqiptare mbetet e qëndrueshme përballë pasigurive globale
Zëvendësguvernatorja e Parë e Bankës së Shqipërisë, Holta Zaçaj, mori pjesë në Mbledhjen e Konstituencës së Fondit Monetar Ndërkombëtar (FMN) dhe të Grupit të Bankës Botërore (BB), të zhvilluar më 6-7 korrik në Lisbonë, ku u diskutuan zhvillimet e ekonomisë globale, sfidat makroekonomike dhe prioritetet e institucioneve financiare ndërkombëtare.
Takimi mblodhi guvernatorë të bankave qendrore, ministra të financave dhe përfaqësues të vendeve anëtare të Konstituencës, të cilët shkëmbyen qëndrime mbi ndikimin e tensioneve gjeopolitike, inflacionin, rritjen ekonomike, stabilitetin financiar, si dhe zhvillimet në fushën e inteligjencës artificiale dhe efektet e saj në ekonomi.
Gjatë diskutimeve, Zaçaj prezantoi zhvillimet më të fundit ekonomike në Shqipëri, duke theksuar se "ekonomia shqiptare ka vijuar të shfaqë qëndrueshmëri përballë pasigurive të mjedisit të jashtëm".
Ajo nënvizoi se "rritja ekonomike mbetet solide, e mbështetur nga kërkesa e brendshme, turizmi dhe zgjerimi i kreditimit, ndërsa inflacioni vijon të luhatet pranë objektivit të Bankës së Shqipërisë".
Zëvendësguvernatorja theksoi rolin e Bankës së Shqipërisë në ruajtjen e stabilitetit të çmimeve dhe stabilitetit financiar përmes një politike monetare të kujdesshme, duke vlerësuar se sektori bankar shqiptar vijon të karakterizohet nga kapitalizim i lartë, likuiditet i mjaftueshëm dhe nivele historikisht të ulëta të kredive me probleme.
Në fjalën e saj, Zaçaj u ndal edhe te rëndësia e vijimit të reformave strukturore dhe procesit të integrimit evropian, duke veçuar se "operacionalizimi i transfertave SEPA përbën një hap të rëndësishëm drejt integrimit financiar me Bashkimin Evropian".
Duke folur për inteligjencën artificiale, ajo theksoi se kjo teknologji krijon mundësi për rritjen e efikasitetit, përmirësimin e analizës së të dhënave dhe forcimin e proceseve mbikëqyrëse.
"Banka e Shqipërisë synon të ndërtojë një kuadër të brendshëm për inteligjencën artificiale, në përputhje me standardet e Bashkimit Evropian, duke garantuar një përdorim të përgjegjshëm, transparent dhe të sigurt të kësaj teknologjie," u shpreh Zaçaj.
Në përfundim të takimit, pjesëmarrësit riafirmuan rëndësinë e koordinimit të politikave ekonomike, forcimit të bashkëpunimit ndërkombëtar dhe shkëmbimit të përvojave për të përballuar sfidat globale dhe për të mbështetur një rritje ekonomike të qëndrueshme dhe gjithëpërfshirëse.
QKB u bën thirrje bizneseve të dorëzojnë bilancet vjetore deri më 31 korrik
Qendra Kombëtare e Biznesit (QKB) u ka bërë thirrje të gjitha subjekteve tregtare që kanë detyrimin ligjor për depozitimin e pasqyrave financiare të vitit......
Shqipëria, ndër vendet europiane me turizmin më sezonal/ Mbi 42% e netqëndrimeve gjatë vitit 2025 u regjistruan vetëm në korrik dhe gusht
Viti 2025 rezultoi një tjetër vit shumë pozitiv për turizmin në Shqipëri, me rritje të numrit të vizitorëve dhe të netqëndrimeve në strukturat akomoduese.......
Mbi 76 mijë qytetarë në RMV me ndihmë sociale - Ministria e Politikës Sociale njofton modernizimin dhe përmirësimin e skemës
Gjatë vitit 2025, 76,250 persona përdorën mbrojtje sociale në Maqedoninë e Veriut. Të dhënat nga Enti Shtetëror i Statistikave tregojnë se 16,743 ishin të......
Rutte prezanton tri projekte shumëkombëshe të mbrojtjes - “Zgjerim kapacitetesh në transportin ajror, inteligjencë dhe mbikëqyrje”
Sekretari i përgjithshëm i NATO-s, Mark Rutte, njoftoi tri iniciativa të reja të mbrojtjes. Në Forumin e Industrisë së Mbrojtjes të NATO-s, në samitin......
Të caktohet çmimi për energjinë e vetëprodhuesve - Kuvendi, kërkesë ERE-s. Në fokus dhe liberalizimi i tregut dhe cilësia e furnizimit
Kuvendi i ka lënë një sërë detyrash Entit Rregullator të Energjisë për vitin 2026, duke i kërkuar të përshpejtojë reformat në tregun e energjisë elektrike,......
Mashtrimi tatimor, 416 çështje të përfunduara dhe 93 në hetim - Ndërtimi dhe turizmi në fokus, Tatimet forcojnë kontrollet në sektorët me risk
Drejtoria e Hetimit Tatimor ka tejkaluar përpara afatit objektivin e vendosur në kuadër të Axhendës së Reformave dhe Instrumentit për Reformë dhe Rritje, sa......
DPSHTRR dhe Task Forca, në terren - Identifikohen automjetet pa taksa apo kontroll teknik
DPSHTRR, në bashkëpunim me Task Forcën e Transportit Rrugor dhe Policinë e Shtetit, ka nisur një plan të koordinuar kontrollesh në të gjithë vendin gjatë......
Qendër e re spitalore në Tiranë - Prezantohet projekti Health Hub Hospital, Rama: Do trajtohen sëmundjet komplekse
Një qendër e re spitalore në Shqipëri do të ofrojë shërbime të avancuara shëndetësore sipas standardeve evropiane. Në Tiranë, u prezantua projekti HHH......
