Gjermania në kërkim të fuqisë së huaj punëtore – Vendet europiane ofrojnë stimuj tatimorë për të joshur ekspertët

Dorina Kurtaj / SCAN

 

Staf mjekësor, punëtorë dhe kamarierë në restorante. Gjermania po kërkon ndihmë nga të huajt që të përballet me mungesën e madhe të fuqisë punëtore.

Qeveria propozon lehtësime tatimore prej 10 deri në 30% në tre vitet e para, me synimin për të tërhequr punëtorë nga jashtë. Autoritetet besojnë se punëtorët indianë mund të mbushin boshllëkun.

Por propozimi i qeverisë ka shkaktuar reagime. Sindikatat dhe partitë opozitare i kundërshtojnë planet në fjalë.

Bashkimi Demokristian mbështet që taksat duhet të ulen për të gjithë punëtorët. Disa deputetë besojnë se kjo mund të çojë në polarizim dhe të ndajë vendasit dhe të huajt. Mund të nxisë gjithashtu ekstremizmin.

Disa vende europiane u ofrojnë të huajve stimuj tatimorë për të plotësuar vendet e punës që kërkojnë ekspertizë.

Portugalia konfirmoi në korrik se do të riaktivizonte një program që ul taksat për të huajt që punojnë në disa profesione të kërkuara, siç janë mësuesit.

Suedia u jep lehtësime tatimore njerëzve me të ardhura të larta ose që konsiderohen ekspertë në një fushë.

Në Danimarkë, shkencëtarët dhe studiuesit e huaj kanë një normë tatimore rreth 33%, ndërsa qytetarët paguajnë mbi 50%.

Në baza vjetore, Gjermania synon të tërheqë 400.000 punëtorë të kualifikuar për të trajtuar mungesën e fuqisë punëtore.

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.