Iniciativa e kufizimit të çmimeve në Malin e Zi – Më shumë se 500 produkte do të jenë me ulje deri në 31 maj

Në Mal të Zi ka nisur fushata për uljen e marzheve për produktet me rëndësi të veçantë për jetën dhe shëndetin e njerëzve, ndaj në tregjet e vendit mund të gjenden më shumë se 500 artikuj me etiketën e kuqe që lexon “çmim i kufizuar”. Aksioni do të zgjasë deri më 31 maj.

Në dyqanet me shumicë marzhet janë të kufizuara në 5% dhe në dyqanet me shumicë në 7 % për miell gruri tip 500, miell gruri tip 400, sheqer, vaj luledielli dhe kripë gjelle.

Qeveria njoftoi se marzhet në dyqanet me shumicë dhe pakicë janë të kufizuara në 10 % për: djathin e bardhë vendas, kos të prodhimit vendas, patate të freskëta, qumësht me 2.8 %, pulë, qafë derri pa kocka, oriz të bardhë me kokërr të gjatë në qese, makarona me miell të bardhë, bizele të ngrira dhe margarinë.

Lista përfshin gjithashtu dhe lloje të ndryshme produktesh mishi, por dhe sardele, salca dhe vajra.

Në dyqanet me shumicë deri në 10 % dhe në dyqanet me pakicë deri në 15 % marzhet kufizohen në: sapun për fëmijë, pelena për fëmijë, shampo për fëmijë, ushqim me fruta për bebe në kavanoza dhe shampo për të rritur.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.