Kili “ndez” garën për litiumin – Mbi 50 kompani shfaqin interes për projektet në vend

Më shumë se 50 kompani kanë shprehur interes për zhvillimin e projekteve të litiumit në Kili. Deklarata u bë nga ministria e financave në vend, pasi qeveria bëri thirrje për propozime për një lloj kripe që përmban metalin e baterive.

Kili, prodhuesi më i madh në botë i bakrit, bëri thirrje për propozime në muajin prill të këtij viti për të zhvilluar projekte të litiumit në më shumë se dy duzina depozitash kripe që ende nuk janë eksploruar plotësisht, duke rezervuar depozitat e shëllirës Atacama dhe Maricunga për kontroll shtetëror.

54 firma nga 10 vende të ndryshme paraqitën interes për të zhvilluar 88 projekte përmes procesit publik. Në prill, ministria i minierave të Kilit tha se do të kishte një proces tenderimi nëse më shumë se një kompani do të shprehte interes për një vend të vetëm.

Investitorët, megjithatë, kanë ngritur shqetësime se si qeveria do të japë kontratat e litiumit në depozitat e kripës ku më parë janë dhënë koncesionet e minierave, gjë që rrezikon të krijojë një lloj pronësie të dyfishtë. Kili po kërkon të ndërtojë rolin e tij në industrinë e litiumit, e cila është e dyta më e madhe në botë pas Australisë, përmes projekteve të udhëhequra nga shteti, si dhe investimeve private.

Ambasadorja e SHBA në Kili, tha se kompanitë amerikane kanë treguar “interesim intensiv” si në nxjerrjen e litiumit ashtu edhe në prodhimin e komponentëve që përdorin materialin, si bateritë.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.