Kina prezanton humanoidët me bateri – Robotët do të përdoren për montimin e makinave elektrike

Kristi Ceta/SCAN

Pasi ka dominuar tregun e automjeteve elektrike, Kina tani po ndjek kompaninë Tesla në garën për të ndërtuar humanoidë me bateri. Këta robotë pritet të zëvendësojnë punëtorët që ndërtojnë makinat elektrike në linjat e montimit.

Në Konferencën Botërore të Robotëve këtë javë në Pekin, dhjetëra kompani kineze prezantuan robotë humanoidë të krijuar për të punuar në fabrika dhe magazina, duke shfaqur pjesët e prodhuara në Kinë, që janë të nevojshme për t’i ndërtuar ato.

Shtytja e Kinës në industrinë në zhvillim bazohet te mbështetja e qeverisë, konkurrenca e pamëshirshme e çmimeve nga një fushë e gjerë e hyrjeve të reja dhe një zinxhir i thellë furnizimi.

Qyteti i Pekinit nisi një fond prej 1.4 miliardë dollarësh të mbështetur nga shteti për robotikën në janar, ndërsa Shangai njoftoi në korrik planet për të ngritur një fond prej 1.4 miliardë dollarësh për industrinë e humanoidëve.

Goldman Sachs Group parashikoi në janar se tregu vjetor global për robotët humanoidë do të arrinte 38 miliardë dollarë deri në vitin 2035, me afro 1.4 milionë dërgesa për përdorime konsumatore dhe industriale. U vlerësua se kostoja e materialeve për ndërtimin e tyre kishte rënë në rreth 150,000 dollarë secili në vitin 2023, duke përjashtuar shpenzimet e kërkimit dhe zhvillimit.

Hu Debo, CEO i Shanghai Kepler Exploration Robotics, një kompani që ai bashkëthemeloi duke u frymëzuar nga roboti humanoid i Teslës Optimus, u shpreh se ka mundësi ​​të mëdha për të ulur kostot në të ardhmen.

Kompania e Hu po punon për versionin e saj të pestë të një roboti punëtor që do të provohet në fabrika. Ai pret që çmimi i shitjes të jetë më pak se 30,000 dollarë.

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.