Borxhi publik zbret në 49% të PBB-së në 3-mujorin e dytë të 2026-ës/ Malaj: Përmirësim i qëndrueshëm i gjithë treguesve kryesorë makrofiskalë
Niveli i borxhit publik të Shqipërisë ka zbritur në 49% të PBB-së në fund të tremujorit të dytë të vitit 2026. Të dhënat e publikuara nga Ministria e Financave, tregojnë se raporti i borxhit publik ndaj Prodhimit të Brendshëm Bruto nga niveli 73.9% në vitin 2021, borxhi ka zbritur në 64.1% në vitin 2022, në 57.6% në vitin 2023, në 54.2% në vitin 2024 dhe në 52.9% në vitin 2025. Në fund të tremujorit të dytë të vitit 2026, raporti i borxhit publik ndaj PBB-së rezulton 49%, ndërsa parashikimi për fundin e vitit është 52.8%, duke shënuar një ulje të qëndrueshme prej 21.1 pikë përqindjeje krahasuar me vitin 2021.
TRENDI RËNËS I RAPORTIT BORXH/PBB (2021 - 2026)
Viti 2021: 73.9%
Viti 2022: 64.1%
Viti 2023: 57.6%
Viti 2024: 54.2%
Viti 2025: 52.9%
Qershor 2026: 49.0% (Parashikimi për fundvitin 2026: 52.8%)
Ky përmirësim sipas Ministrisë së Financave, reflekton konsolidim të fortë fiskal dhe një menaxhim më efikas të risqeve financiare gjatë viteve të fundit. Ministri i Financave, Petrit Malaj, bëri të ditur se rezultatet e arritura janë pasojë e një politike fiskale të përgjegjshme dhe e një menaxhimi aktiv të portofolit të borxhit, me ndikim të drejtpërdrejtë në forcimin e stabilitetit makrofiskal të vendit. Sipas Malaj, gjatë gjashtëmujorit të parë të vitit është ulur pesha e borxhit afatshkurtër, duke reduktuar nevojat për rifinancim në periudha të shkurtra. Po ashtu, është rritur jetëgjatësia mesatare e borxhit të brendshëm, çka kontribuon në shpërndarjen më të mirë të detyrimeve financiare në kohë dhe zvogëlon ekspozimin ndaj luhatjeve të tregut.
Një tjetër tregues i përmirësuar, sipas ministrit, është reduktimi i peshës së borxhit që maturohet brenda një viti, element që forcon më tej qëndrueshmërinë e financave publike dhe ul rrezikun e rifinancimit.
Një tjetër tregues i rëndësishëm është zgjatja e kohës mesatare të maturimit të borxhit. Sipas Ministrisë së Financave, maturimi mesatar është rritur nga 2.2 vite në vitin 2021 në 3.3 vite në qershor 2026, ose 1.1 vite më shumë. Kjo nënkupton më pak nevojë për rifinancim afatshkurtër dhe një profil më të qëndrueshëm të detyrimeve të shtetit.
Gjithashtu, theksohet se borxhi në valutë të huaj, vijon të mbetet nën kufijtë e përcaktuar në Strategjinë Afatmesme të Menaxhimit të Borxhit.
“Qeverisja duhet të nisë nga pritshmëritë e qytetarëve” - Rama: Ndryshimet në ligjin e zonave të mbrojtura, në përputhje me Direktivat Evropiane
Qeverisja duhet të ndërtohet në bazë të pritshmërive që kanë qytetarët, megjithëse pritshmëritë e tyre janë më të mëdha se mundësitë e qeverisë për t'ju......
Rama: Protestuesit nuk janë mosmirënjohës, janë matësi i ri i standardeve tona
Kryeministri Edi Rama, njëherësh kryetar i Partisë Socialiste deklaroi sot ata që protestuan në Bulevard gjatë muajit qershor nuk janë mosmirënjohës, por janë......
Rama: Protesta, pasqyrë për të qeverisur Shqipërinë e fazës së re të pritshmërive
Kryetari i Partisë Socialiste, njëherazi Kryeministër Edi Rama deklaroi sot se qeverisja ka hyrë në një fazë të re, ku qytetarët nuk gjykojnë më mbi bazën e......
'Shuhen' detyrime me vlerë 29.9 milionë euro - 16,877 tatimpagues përfitojnë nga Ligji i Faljes
Procesi i zbatimit të Ligjit të Faljes vijon nga Administrata Tatimore, me një numër në rritje të tatimpaguesve që përfitojnë nga fshirja automatike e......
Prezantohet “eArkiva”: Sistemi inteligjent që synon të digjitalizojë menaxhimin e dokumenteve në administratën publike
Një hap i ri drejt administratës pa letra është hedhur me prezantimin e platformës “eArkiva”, një sistem inteligjent për administrimin elektronik dhe......
Danimarka dhe Malajzia kryesojnë rritjen e hyrjeve/ Vizitorët ditorë, mbi 286 mijë në gjashtë muaj ose 1,580 në ditë
Më shumë se 5 milionë hyrje të shtetasve të huaj u regjistruan në Shqipëri gjatë gjashtëmujorit të parë të vitit 2026. Krahasuar me të njëjtën periudhë të......
Rreth 5 milionë të huaj vizituan Shqipërinë në 6 muaj/ Numri u rrit me 6.2%, dominojnë hyrjet nga Europa Jugore
Shqipëria ka vijuar të tërheqë një numër të lartë vizitorësh edhe gjatë vitit 2026. Sipas të dhënave zyrtare, në gjashtëmujorin e parë të vitit, në......
Bashkitë në “revansh” për taksat, mbledhin dyfishin e tyre - 371 milionë euro në 6 muaj, më shumë të ardhura nga taksa e pasurisë
Pushteti vendor po mbledh gjithnjë e më shumë të ardhura nga taksat dhe tarifat vendore që paguajnë qytetarët shqiptarë në secilën bashki. Sipas të dhënave......
