Lejet mjedisore, detyrime të reja për bizneset - Kërkesa për monitorimin dhe auditimi, kosto shtesë për industrinë dhe shtetin
Ministria e Mjedisit ka nxjerrë për konsultim publik ndryshimet në ligjin “Për lejet e mjedisit”, duke vendosur standarde më të rrepta për kontrollin e ndotjes dhe monitorimin e aktiviteteve industriale.
Sipas relacionit shoqërues, projektligji synon të kalojë nga një model i bazuar kryesisht në kontrollin e ndotjes, drejt një qasjeje parandaluese dhe të integruar, ku operatorët industrialë do të detyrohen të zbatojnë teknikat më të mira të disponueshme, të monitorojnë në mënyrë të vazhdueshme ndikimin e aktivitetit të tyre dhe të raportojnë periodikisht rezultatet tek autoritetet shtetërore.
Një nga risitë kryesore është detyrimi për krijimin e një Sistemi të Menaxhimit Mjedisor për instalimet që pajisen me leje mjedisore. Ky sistem do të duhet të përfshijë objektiva konkrete për reduktimin e ndotjes, përdorimin më efikas të energjisë dhe burimeve natyrore, si dhe masa për minimizimin e mbetjeve. Për herë të parë, operatorët do të duhet të hartojnë edhe plane transformimi, me objektiva për reduktimin e emetimeve të gazeve serrë deri në vitin 2050, duke përcaktuar investimet dhe burimet financiare të nevojshme për arritjen e tyre.
Ndryshimet pritet të sjellin edhe kosto shtesë për bizneset, veçanërisht për instalimet e kategorisë A dhe B. Relacioni shpjegon se operatorët do të duhet të investojnë në sisteme monitorimi, auditime periodike, raportime mjedisore, përgatitjen e raporteve bazë dhe zbatimin e teknikave më të mira të disponueshme.
Nga ana tjetër, institucionet shtetërore do të duhet të investojnë në përmirësimin e sistemit elektronik të lejeve mjedisore dhe në krijimin e bazës së të dhënave publike.
Më pak kërkues shkencorë në Shqipëri/ Universitetet publike mbeten zgjedhja kryesore, femrat kryesojnë numrin
Sipas të dhënave të publikuara nga INSTAT, numri i studentëve që diplomohen në programet e doktoraturës në Shqipëri mbetet në nivele të ulëta, pavarësisht......
Eksportet shqiptare, Italia humbet terren/ Kosova dhe Gjermania fitojnë peshë ndaj totalit në 4 muajt e parë të vitit
Struktura e eksporteve shqiptare ka pësuar ndryshime gjatë katërmujorit të parë të vitit 2026, duke treguar një zgjerim të tregjeve partnere dhe një ulje......
Pajisjet inteligjente po transformojnë diagnostikimin - Dika: IA mund të mbështesë edhe kirurgjinë
Inteligjenca artificiale po bëhet gjithnjë e më e pranishme në sistemet shëndetësore në mbarë botën. Teknologjia e avancuar po përdoret për të ndihmuar......
Amnistia penale pritet të lirojë rreth 10% të të burgosurve - Gogu: Më shumë mundësi për rehabilitim
Ministri i Drejtësisë, Toni Gogu, prezantoi në Komisionin për Çështjet Ligjore dhe Administratën Publike projektligjin e ri “Për dhënie amnistie”, duke......
Nis projekti EU4FoodSafety: 13.5 milionë euro për forcimin e sigurisë ushqimore në Shqipëri
Në Ditën Botërore të Sigurisë Ushqimore u prezantua në Tiranë projekti EU4FoodSafety, një iniciativë e re që synon përmirësimin e standardeve të sigurisë......
Milot-Balldren, tunel 850 metra për anashkalimin e Lezhës - Detajet e projektit për aksin 17 km, që synon zgjidhjen e trafikut
Teksa Ministria e Infrastrukturës dhe Energjisë shpalli konsorciumin fituesin për segmentin rrugor Milot – Balldren, dokumentet shoqëruese të procedurës......
Inflacioni arrin në 3% në Maj/ Norma preku objektivin e Bankës së Shqipërisë, çmimet vijojnë të rriten
Inflacioni në Shqipëri u ngjit në 3% gjatë muajit maj, duke arritur nivelin objektiv të Bankës së Shqipërisë dhe duke sinjalizuar rritje të presioneve mbi......
Shqipëria bashkohet me nismën rajonale për transport më të sigurt ndaj rreziqeve klimatike
Shqipëria është bërë pjesë e një marrëveshjeje rajonale që synon forcimin e rezistencës së infrastrukturës së transportit përballë ndikimeve të ndryshimeve......
