“Lamtumirë” para cash! – Gjermania shkëputet me ritëm të shpejtë nga paraja e gatshme

Lidhja e gjermanëve me paratë e gatshme po shkrihet nga viti në vit, kështu që në vitin 2023 vetëm 51 % e të gjitha pagesave janë bërë me kartëmonedha dhe monedha, konfirmoi Bundesbank. Banka qendrore tha në një studim të gjerë dhe të rregullt mbi zakonet e pagesave të gjermanëve se kjo ishte shtatë pikë përqindje më pak se në edicionin e mëparshëm nga viti 2021.

Pagesat me karta debiti janë në rritje dhe përdorimi i tyre është rritur me pesë pikë, në 27 %. Pagesat me pajisje inteligjente po bëhen gjithashtu më të shpeshta, me një rritje prej 4% dhe zgjerim në 6 % të të gjitha transaksioneve.

Sipas vlerës së pagesave, kartela e debitit me një peshë prej 32 % ka kaluar për herë të parë cash-in, e cila ka mbuluar 26 % të xhiros. Kjo gjithashtu do të thotë që njerëzit paguajnë shuma më të mëdha me karta. Më shumë se dy të pestat e të anketuarve, 44 % e, thanë se preferojnë kartat e debitit për pagesë.

Në përgjithësi, pagesa pa para është gjithnjë e më e përhapur. Përkatësisht, për 80 % të të gjitha pagesave është bërë e mundur pagesa me kartë apo telefon, 20 % më shumë se në vitin 2021. Konsumatorët gjermanë iu drejtuan shpejt pagesave me karta gjatë pandemisë. Megjithatë, në këtë fushë, Gjermania vazhdon të mbetet prapa vendeve të tjera perëndimore.

Gjermanët mbajnë para në dorë sepse nuk duan të heqin dorë nga privatësia kur bëjnë pagesa, sipas Bundesbank. Sipas shumicës së të anketuarve, shpejtësia dhe thjeshtësia janë në favor të pagesës pa para cash.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.