“Minimumi jetik sot mbi 200 euro, të vendoset me ligj” – Deputetët e opozitës depozitojnë draftin në Kuvend: Asnjë qytetar nën kufirin e varfërisë
![](https://scantv.al/wp-content/uploads/2022/08/finance-kontabel-debit-e1660121355611-765x383.jpg)
Deputetët e opozitës kanë depozituar në Kuvend një projektligj i cili parashikon llogaritjen e të ardhurave minimale për të përballuar jetesën dhe vendosjen e saj në ligj, në mënyrë që asnjë familje në Shqipëri të mos ketë të ardhura nën këtë nivel. Drafti parashikon garantimi me ligj të një minimumi jetik ne vend, si minimumi i te ardhurave te nevojshme qe çdo qytetar shqiptar te mund te jetoje.
Deputetët e Partisë Demokratike që kanë depozituar projektligjin i referohen një studimi të Avokatit të Popullit, sipas të cilit minimumi jetik në Shqipëri për vitin 2023 është 18,800 leke ne muaj per fryme. Por, ata vlerësojnë se me çmimet aktuale të shportës, ky minimium është të paktën 200 euro për frymë.
Drafti parashikon vendosjen në ligj të minimumit jetik, si dhe krijimin e një skeme shtetërorë që të garantojë që çdo shtetasi shqiptar t’i garantohet ky prag të ardhurash minimale.
Nga kjo skemë, sipas deputetëve të opozitës duhet të përjashtohen shtetasit shqiptare qe banojne jashte vendit; shtetasit e huaj te cilet jetojne ne Republiken e Shqiperise; si dhe personat qe, me vendim te formes se prere te gjykates, vuajne denimin me heqje lirie.
Në relacionin shoqërues, Deputetet e opozitës i referohen një studimi të Eurostat të vitit 2020, sipas të cilit Shqiperia rendidet vendi i pare ne Europe si dhe ne rajon me rriskun mete larte per varferi dhe perjashtim social per moshen nen 18 vjeç. Per femijet nen 18 vjeç niveli i varferise ne vitet 2019 dhe 2020 ishte respektivisht 53.9 dhe 51 %. Per sa i takon personave madhore ne vend qe sipas EUROSTAT preken nga varferia, ne vitet 2019 dhe 2020 ishte respektivisht 50.8 dhe 46.2%.
Lorenc Rabeta/SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.