“Mos prekni pronat e shtetit!” – Kina, masa të reja për të kontrolluar burimet natyrore të vendit

Në listën e burimeve natyrore të publikuar nga Këshilli Shtetëror i vendit, Pekini deklaroi se metalet e rralla të tokës janë pronë e shtetit dhe paralajmëroi se asnjë organizatë apo person nuk mund të cenojë ose shkatërrojë burime të tilla. Në këtë mënyrë Kina miraton masa të reja më të ashpra për të forcuar kontrollin mbi burimet natyrore fitimprurëse.

Nga 1 tetori, kur rregullat hyjnë në fuqi, qeveria kineze do të operojë një bazë të dhënash të gjetshmërisë së metaleve të rralla për të siguruar që mund të kontrollojë nxjerrjen, përdorimin dhe eksportin e metalit.

Kina aktualisht prodhon rreth 60 % të metaleve të mineraleve rrallë në botë dhe është vendi i origjinës për rreth 90 % të metaleve të rafinuara të mineraleve të rralla në treg.

Pekini tashmë ka ndaluar eksportin e teknologjive për përpunimin e metaleve të rralla dhe prodhimin e magneteve. Në janar, autoritetet kineze ndaluan eksportet e galiumit dhe germaniumit, të cilat ishin shumë të kërkuara në industrinë e çipave kompjuterikë.

Frika se Kina dëshiron të marrë kontrollin e industrisë dhe mund të prishë zinxhirët e furnizimit në teknologji, automjete dhe prodhimin e energjisë së rinovueshme kanë ndezur një garë për të siguruar furnizime nga furnizuesit alternativë. SHBA dhe BE kanë ndërmarrë përpjekje për të blerë metale të rralla brenda dhe jashtë vendit, duke përfshirë Vietnamin, Brazilin dhe Australi. Një vit më parë, Presidentja e Komisionit Europian, Ursula von der Leyen, njoftoi ndërtimin e rafinerisë së parë të madhe të metaleve të rralla jashtë Azisë, me vendndodhje në Estoni. Ajo tha se masa do të forconte qëndrueshmërinë dhe sigurinë e furnizimit të Europës.

Një analizë e Parlamentit Europian të vitit 2022 paralajmëron se mbështetja e tepërt tek furnizuesit monopolistë është një rrezik i madh për Evropën. BE importon 93 % të magnezit nga Kina, 98 % të borit nga Turqia dhe 85 % të niobiumit nga Brazili. Rusia prodhon 40 % të paladiumit në botë,” thuhet në analizë.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.