“Në kapitullin e Prokurimit Publik Shqipëria e para në BP” – Kashta: Kryesojmë në kuadrin ligjor. Në atë institucional jemi në linjë me BE

Diamila Leka/ Scan

 

Kryeministri Edi Rama në Podkastin e radhës fokus kishte prokurimet publike se si kanë avancuar në kuadër të çeljes së negociatave me BE, ku ishin për diskutim Drejtoreshën e Agjencisë së Prokurimit Publik dhe kreun e komisionit të Prokurimit Publik.

“Në pozicionin e përbashkët të BE, në kapitullin e Prokurimit Publik, Shqipëria konsiderohet në një nivel të lartë të përafrimi, dhe është një nga pak fushat që ne konsiderohemi në një nivel të lartë, që do të thotë me një nivel të lartë performance në fushën e Prokurimit Public. Dhe raporti i SIGMA-ës për Ballkanin Perëndimor, e klasifikon Shqipërinë në vendin e parë dhe me një difference prëj 10 pikësh nga vend ii dytë.”

Po cilat janë progreset që ka bërë Shqipëria në aspektin e Prokurimeve Publike?

Reida Kashta Drejtoresha e Agjencisë së Prokurimeve Publike: “Ky është raporti që SIGMA bën çdo katër vjet për vendet e Ballkanit Perëndimor si nëj raportim, si një analizë e sistemeve të Administratës Publike, dhe fokusuar në Administratën publike në këtë rast. Dhe analizon 5 komponentët kryesor, duke nisur nga kuadri ligjor. Në kontekstin e kuadrit ligjor konsiderohemi në nivelet më të larta, krahasuar dhe Malin e Zi. Nga ana tjetër vlerësohet kuadri administrative, kuadri institucional dhe ne e kemi në të njëjtën linjë me Bashkimin Europian. Gjithashtu matet sistemi i performancës në tërësi.”

Një ndër problematikat që prej vitesh kanë shoqëruar Prokurimet Publike ka qenë ankimimi, por cilat janë disa efektet e digjitalizimit?

Jonaid Myzyri Kreu i Komisionit të Prokurimit Publik: “Nga viti 2010 deri në vitin 2020, megjtihse Prokurimet Publike zhvilloheshin në mënyrë elektronike, zinxhiri i ankimit adiministrativ ishte jashtë rrugës elektronike. Dhe jo vetëm që digjitalizuam me një sistem të ndërlidhur me e-Albania, por gjithashtu përkthyem në detyra digjitale çdo detyrë të parashikuar nga ligji si për operatorët ekonomik, ashtu edhe për autoritetet kontraktore, ashtu edhe për komisionin e prokurimit publik.”

Në aspketin buxhetor dhe financiar si rezultat i matjes së sistemit elektronik, nga fondi limit dhe fondi i përfituar, ka një rritje të kursimit nga 8-9% në 15%, dhe e përkthyer në vlerë monetare i janë kursyer buxhetit të shtetit rreth 1 miliardë euro.

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.