Polonia do të ndërtojë centralin e parë bërthamor – Impianti pritet të nisë prodhimin brenda vitit 2040
Kristi Ceta/SCAN
Qeveria polake planifikon të caktojë 4.6 miliardë zllota (1.2 miliardë dollarë) në buxhetin e vitit 2025 për të përgatitur ndërtimin e termocentralit të parë bërthamor të vendit.
Polonia ka nevojë për energjinë e rinovueshme dhe prodhimin bërthamor për të ulur çmimin e energjisë elektrike dhe mbi të gjitha për të përmbushur kërkesën, sipas ministrisë së financave.
Shpenzimet fillestare për atë që me shumë mundësi do të jetë investimi më i madh në vend, u prezantuan disa ditë para mbledhjes së qeverisë, ku do të miratohet projektbuxheti për vitin e ardhshëm.
Në fillim të këtij muaji, qeveria supozoi se do të duhet të sigurojë rreth 16 miliardë dollarë për projektin në periudhën 2025-2030, përpara se të marrë fonde të mëtejshme nga Shtetet e Bashkuara të Amerikës, të cilat do të furnizojnë teknologjinë e nevojshme.
Polonia ka informuar për një vonesë në ndërtimin e termocentralit të parë bërthamor të vendit, pasi për momentin prioritet janë planet e klimës dhe energjisë të administratës së kaluar.
Centrali bërthamor pritet të fillojë operimet brenda vitit 2040, disa vite më vonë se sa ishte planifikuar nga qeveria e mëparshme, që pretendonte se impianti do të ishte gati në 2032.
Për të ndërtuar centralin në bregdetin e Balltikut, administrata zgjodhi Westinghouse Electric, por modeli i financimit nuk është vendosur ende, ndërsa leja mjedisore për impiantin u dha në vitin 2023.
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.