Polonia lëshon satelitin e parë në hapësirë – Misioni u realizua për qëllime kërkimore dhe monitorimi

Kristi Ceta/SCAN

 

Shkenca dhe teknologjia hapësinore polake arritën një moment historik me lëshimin e suksesshëm të satelitit EagleEye në orbitën e Tokës. Mundësuar nga SpaceX, misioni u zhvillua nga Baza e Forcave Hapësinore Vandenberg në Kaliforni.

Projekti EagleEye, i cili filloi në prill 2020, përfaqëson një përpjekje bashkëpunuese midis një konsorciumi të organizatave industriale dhe shkencore.

Sateliti do të japë imazhe me rezolucion të lartë të Tokës, duke ofruar të dhëna për qëllime kërkimore dhe monitorimi.

Misioni pritet të zgjasë të paktën një vit, ndërsa qendra e kontrollit për EagleEye është e vendosur në selinë e Creotech Instruments në Varshavë. Sateliti duhet të rrotullohet rreth Tokës në një lartësi të ulët, duke zbritur gradualisht nga një lartësi fillestare prej rreth 500 km në rreth 350 km.

Shkencëtarët theksuan se ky sukses nuk ishte i garantuar dhe shënoi një moment historik në përparimin e misionit.

EagleEye u projektua tërësisht në Poloni nga themelet, edhe pse jo të gjithë komponentët mund të prodhoheshin në vend. Një shembull janë mikroprocesorët, të cilët Polonia nuk i prodhon dhe i duhet t’i importojë nga vendet e tjera.

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.