Rekord në rezervimet turistike – Turistët kinezë tani priren të zgjedhin destinacionet e brendshme

Destinacionet vendase më të lira priren të zgjidhen nga turistët kinezë ndaj udhëtimeve jashtë shtetit, me atraksionet vendase duke u bërë gjithnjë e më konkuruese falë infrastrukturës së përmirësuar dhe promovimit.

Sipas një raporti të fundit, arsyeja numër një që familjet e pasura të qëndrojnë brenda Kinës janë opsionet e panumërta turistike, ndërsa arsyeja e dytë është kostoja shumë e lartë e udhëtimit jashtë vendit. Si rezultat, mbajtja e turistëve në vend mbështeti ndjeshëm rimëkëmbjen e Kinës pas pandemisë. Në fakt, sipas platformës së prenotimeve Trip.com, rezervimet për fshatrat kineze u rritën me 2.6 herë në 2023 – shin krahasuar me 2019-ën.

Gjithashtu, gjatë një feste kombëtare në pesë ditët e para të majit, të ardhurat nga udhëtimet dhe turizmi në vend u rritën në krahasim me vitin 2019, ndërsa fluturimet jashtë vendit ishin pak më të ulëta. Sipas operatorëve të sektorit, rikuperimi në udhëtimet jashtë vendit do të vonohet sepse ndjesia se pjesa tjetër e botës është e çmendur dhe e rrezikshme, aktualisht është edhe më e fortë.

Por boom-i i turizmit që ka ndodhur në zona të shpërndara të Kinës nuk është planifikuar strategjikisht, dhe kështu është e pasigurt se sa do të zgjasë ose çfarë gjurme do të lërë. Megjithatë, në afat të shkurtër, disa rajone do të përfitojnë ndjeshëm. Prandaj autoritetet vendore jashtë qyteteve të mëdha kanë shtuar përpjekjet për të tërhequr turistë, veçanërisht përmes mediave sociale.

Përveç rrjeteve sociale, turizmit lokal i është dhënë një shtysë e madhe edhe nga filmat apo serialet me destinacione specifike.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.