Rritet pabarazia në vendet huadhënëse të FMN-së – FMN dhe BB, prioritet luftën kundër pabarazisë, por mbështesin politika të kundërta

Pabarazia në të ardhura është e lartë, ose zgjerohet në më shumë se 60% të vendeve që aktualisht janë të përfshira në programet e mbështetjes ose ndihmës së Fondit Monetar Ndërkombëtar dhe Bankës Botërore. Ndonjëherë duke arritur një nivel alarmant, thekson një raport i publikuar nga organizata joqeveritare Oxfam.

Sipas këtij raporti, 64 nga 106 vende që marrin mbështetje ose ndihmë nga institucionet financiare ndërkombëtare kanë parë rritje të ndjeshme të pabarazisë, me atë që është veçanërisht e lartë në afro 40 vende, duke përfshirë Ganën, Hondurasin dhe Mozambikun.

FMN dhe Banka Botërore e paraqesin luftën kundër pabarazive si prioritet, por në të njëjtën kohë mbështesin politikat që i rrisin ato. Njerëzit e zakonshëm po vuajnë gjithnjë e më shumë nga shkurtimet buxhetore në shëndetësi, arsim dhe transport. “Kjo hipokrizi e nivelit të lartë duhet t’i japë fund ”, u shpreh kreu i Oxfam në Uashington, Kate Donald.

Rritja e borxhit publik, veçanërisht për shkak të rritjes së normave të interesit, zvogëlon aftësinë e këtyre vendeve për të financuar shëndetin, arsimin dhe mirëqenien sociale në masën e nevojshme për të reduktuar pabarazitë.

Ndihma për vendet në zhvillim, veçanërisht ato në ose në rrezik të krizës së borxhit, do të jetë ndër temat kryesore të diskutimit në takimet vjetore të FMN-së dhe Bankës Botërore, që po mbahen këtë javë në kryeqytetin amerikan.

Shpenzimet e nevojshme publike për të mbështetur ekonomitë gjatë pandemisë, pas goditjeve të inflacionit global dhe luftës në Ukrainë, kanë detyruar shumë vende të hyjnë në borxhe ndërsa normat e interesit rriten, me vendimet e bankave qendrore në ekonomitë kryesore për të zbutur inflacionin. Ky koktej i veçantë ngre në lartësi të pakonceptueshme koston e shërbimit të borxhit të disa vendeve, të cilat shpesh nuk arrijnë të përmbushin afatet ose shpenzojnë më shumë se gjysmën e buxhetit të tyre për ‘të.

FMN-ja shpesh thotë se ka nevojë që qeveritë të mbrojnë grupet më të cenueshme të popullatës së tyre. Ndërsa, të paktën në teori, misionet kryesore të Bankës Botërore përfshijnë kontributin e saj në luftën për t’i dhënë fund varfërisë në nivel ndërkombëtar.

Dorina Kurtaj /SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.