Rritja e normës së BQE-së – Visco: Duhet të jetë më graduale se 50 pikë bazë

Banka Qendrore Europiane duhet të rrisë normën e saj bazë të interesit jashtë territorit negativ me lëvizjen e parë që vjen në korrik, por procesi duhet të jetë “më gradual” sesa sugjerohet nga disa, deklaroi politikëbërësi i Bankës, Ignazio Visco.

Tregjet financiare tani presin të shohin 105 pikë bazë të rritjes së normës së BQE-së deri në fund të vitit, duke rritur bastet e tyre që kur shefi i bankës qendrore holandeze Klaas Knot tha se mund të nevojitet një lëvizje 50 pikë bazë nëse rriten presionet inflacioniste.

“Unë mendoj se rritja duhet të jetë më graduale sesa mund të mendohej, ndërsa nuk ka ndonjë problem nëse nis në korrik,” tha Visco, i cili drejton bankën qendrore italiane.

Me inflacionin që qëndron në një nivel të lartë rekord prej 7.4%, gati katërfishi i objektivit të BQE-së, të gjithë, përveç një pjese të vogël të politikëbërësve, kanë bërë kërkesë për një rritje të normës në korrik, rritja e parë e BQE-së në më shumë se një dekadë.

Disa politikëbërës të BQE-së kanë argumentuar gjithashtu heqjen e normës së depozitave minus 0.5% përsëri në territor pozitiv këtë vit, gjë që do të nënkuptonte të paktën tre lëvizje me 25 pikë bazë. Dalja nga normat negative është bërë e pakontestueshme, megjithatë, Visco, tha se “pothuajse të gjithë ne” në Këshillin Drejtues të përcaktimit të normave biem dakord për idenë.

Norma e depozitave të BQE-së ka qenë në territor negativ që nga viti 2014.

SCAN

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.