“Rruga mbi ujë më e bukur e Kinës” sapo është rihapur për qarkullim!

Edel Strazimiri / SCAN

 

Në Kinën lindore, ajo që është quajtur “autostrada më e bukur e ujit në Kinë”, rruga Yongwu, është rihapur së fundmi.

Kjo infrastrukturë shumë origjinale përshkon liqenin Poyang, në provincën Jiangxi, Kinë. Me një gjatësi totale prej 5.05 km, autostrada tërheq turistë nga i gjithë vendi, të magjepsur nga peizazhi i saj spektakolar.

Rruga mbyllet gjatë sezonit të përmbytjeve, kur niveli i ujit të liqenit Poyang mund të arrijë 18.7 metra dhe të kalojë nivelin e rrugës.

Sapo kushtet bëhen sërish të favorshme, rruga rihapet dhe në orë të caktuara të ditës krijohet një spektakël magjepsës dhe surreal, ku vetë rruga, qielli dhe liqeni duket se shkrihen në një ngjyrë të vetme.

Liqeni Poyang është liqeni më i madh i ujërave të ëmbla në Kinë, me një sipërfaqe që mund të variojë nga 3,500 deri në 4,000 km² në varësi të sezonit.

Prandaj, “autostrada më e bukur mbi ujin në Kinë”, në përgjithësi është gjithashtu një dëshmi e aftësisë së njeriut për të studiuar dinamikën lokale të natyrës dhe për të ndërtuar infrastruktura që mund të bashkëjetojnë në mënyrë harmonike.

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.