Pranvera shënon rritje të turizmit në Shqipëri/ Hyrja e turistëve të huaj ka pësuar zgjerim me 10.8%
Gjatë muajit mars është vërejtur një përmirësim i dukshëm në sektorin e turizmit dhe në hyrjet e shtetasve në Shqipëri. Konkretisht, gjatë këtij muaji kanë hyrë në territorin e Republikës së Shqipërisë rreth 1.28 milion shtetas shqiptarë dhe të huaj, një rritje prej 11.7% krahasuar me marsin e vitit 2025. Ky zhvillim konsiderohet pozitiv, pasi dy muajt e parë të vitit kishin shënuar rënie të lehtë të hyrjeve.
Në aspektin e përbërjes, rezulton se gjatë marsit kanë hyrë rreth 680 mijë shtetas shqiptarë, me një rritje prej 12.5% në krahasim me të njëjtën periudhë të një viti më parë. Nga ana tjetër, numri i shtetasve të huaj që kanë vizituar Shqipërinë ka arritur në rreth 609 mijë, duke shënuar një rritje prej 10.8%. Kjo rritje mund të jetë ndikuar edhe nga faktorë të jashtëm, si situatat e luftës në rajone të tjera, të cilat mund t’i kenë orientuar turistët drejt destinacioneve alternative si Shqipëria, e perceptuar gjithnjë e më shumë si një vend i ri dhe i sigurt për pushime.
Nëse analizojmë shpërndarjen sipas rajoneve, vihet re se pjesa më e madhe e turistëve vijnë nga Europa Jugore, e cila përbën rreth 80% të hyrjeve nga kontinenti europian, ndërsa Europa Perëndimore kontribuon me rreth 7%.
Sa i përket qëllimit të vizitës, në 97% të rasteve hyrjet e shtetasve të huaj në Shqipëri janë për arsye personale, si turizëm, vizita familjare apo aktivitete të tjera jo-profesionale. Ky tregues ka shënuar një rritje prej 11.2% krahasuar me marsin e vitit të kaluar. Ndërkohë, hyrjet për qëllime biznesi dhe profesionale kanë pasur një rritje shumë të lehtë prej vetëm 0.2%, duke treguar se turizmi mbetet motivi kryesor i lëvizjeve drejt vendit.
Në një panoramë më të gjerë, në tremujorin e parë të vitit 2026 janë regjistruar rreth 3.5 milion hyrje të shtetasve shqiptarë dhe të huaj. Nga këto, të huajt përbëjnë rreth 1.67 milion, me një rritje prej 3.2%. Paralelisht me hyrjet, edhe daljet nga territori i Shqipërisë kanë shënuar rritje. Gjatë muajit mars, rreth 1.28 milionë shtetas shqiptarë dhe të huaj kanë dalë nga vendi, duke regjistruar një rritje prej 8.5% krahasuar me të njëjtën periudhë të një viti më parë. Ky zhvillim pasqyron një dinamikë të shtuar të lëvizjes së njerëzve dhe një intensifikim të përgjithshëm të flukseve hyrëse dhe dalëse në vend.
Live TV
Ministri Nufi: “Shqipëria, aleate e besueshme në NATO. Faktor stabiliteti në rajon e më gjerë”
Ministri i Mbrojtjes i Republikës së Shqipërisë, z. Ermal Nufi mori pjesë sot në Takimin e Ministrave të Mbrojtjes të vendeve anëtare të NATO-s, zhvilluar në......
Qeveria mori 25 mld lekë borxh të brendshëm në maj - Shumica obligacione. Norma mesatare e interesit për bonot 12-mujore u përmbyll në 2.57%
Gjatë muajit maj janë zhvilluar shtatë ankande për shitje titujsh qeveritarë nga Ministria e Financave, më së shumti obligacione. Ministria ofroi për shitje......
118 shërbime në ditë për trenin Tiranë–Durrës–Rinas/ Dokumentet e operimit: Durrësi në 36 minuta, aeroporti në më pak se 20 minuta
Teksa pak ditë më parë u publikua procedura për përzgjedhjen e oeratorit privat që do të ofrojë shërbimin e transportit hekurudhor të pasagjerëve, dokumentet......
Ndryshon trendi në tregun valutor – Forcohet Dollari amerikan. Dobësohen monedhat e tjera
Dollari amerikan pas zbritjes që pësoi ditën e djeshme ka rikuperuar sërish pikë duke ju rikthyer situatës së fillimit të javës teksa është blerë mëngjesin e......
