Scholz zotohet të përmirësojë trajtimin e emigracionit të parregullt!

Kancelari Olaf Scholz u takua me liderët nga Gjermania Lindore në Wittenberg me emigracionin që ishte një temë e nxehtë në axhendë.

Diskutimet mes liderëve rajonalë dhe kancelarit gjerman u fokusuan në forcimin e partneriteteve me vendet e tjera, veçanërisht në kontrollin kufitar. Megjithatë, konferenca dha pak më shumë se deklarata të qëllimit.

Duke iu përgjigjur thirrjeve të liderëve në Gjermaninë lindore, Scholz përsëriti atë që ai tha se ishte “qëllimi i menaxhimit më të mirë të migracionit të parregullt”, duke thënë se tashmë kishte pasur “diskutime dhe vendime të gjera”.

“Ne duam të krijojmë partneritete për migracionin për të trajtuar më mirë kthimin e atyre që nuk mund të qëndrojnë këtu. Kjo është sfida më e madhe. Për të siguruar që ne nuk duhet ta trajtojmë atë vetëm, ne duhet të gjejmë partnerë në botë për të na ndihmuar të arrijmë objektivat tona”, tha Scholz.

Kancelari gjerman mbrojti gjithashtu politikat ekzistuese që synojnë kontrollin e flukseve të parregullta të emigrantëve dhe promovimin e integrimit më të mirë të refugjatëve. “Ne po ia dalim në një shkallë të gjerë dhe do të vazhdojmë në atë drejtim,” shtoi Scholz.

Social Demokratët e Scholz-it përballen me sfida pas një paraqitjeje zhgënjyese në zgjedhjet europiane, ku ata siguruan rezultatin e tyre më të ulët pas Luftës së Dytë Botërore me 13.9%, ndërsa Alternativa e ekstremit të djathtë për Gjermaninë (AfD) mblodhi 15.9%, pavarësisht polemikave të vazhdueshme, përfshirë planet për dëbimet masive.

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.