Transformohet parku Drilon – Tushemisht – Kumbaro: Zhvillim dhe mbrojtje e natyrës

Alida Lula   / SCAN

Qendra e Vizitorëve në parkun ujor Drilon-Tushemisht, një projekt i Ministrisë së Turizmit dhe Mjedisit me Fondacionin Shqiptaro-Amerikan për Zhvillim dhe bashkisë Pogradec, është përuruar këtë fundjavë.

Ky projekt, sipas minsitres së Turizmit dhe Mjedisit Mirela Kumbaro, reflekton përkushtimin për zhvillimin e qëndrueshëm dhe gërsheton turizmin në harmoni me rregullat e konservimit të këtij parku natyror. Kumbaro tha se njerëzit përmes traditës dhe artizanatit, kanë bërë që të kemi një entitet të zonave të tilla të mbrojtura siç është Tushemishti e Driloni.

“Njerëzit këtu janë pjesë e ekosistemit. Shqipëria është shumë e vogël për të pasur hapësira gjigante krejt të egra pa asnjë ndërhyrje nga njerëzit, por në shekuj njerëzit përmes traditës, zakoneve, artizanatit bujqësor apo urban kanë bërë të kemi një entitet të zonave të tilla të mbrojtura siç është Tushemishti, Driloni . Të tilla projekte kanë një vlerë edukimi shumë të madhe sepse duke i sjellë vizitorët jo në mënyrë të çorganizuar, duke i ftuar investitorët dhe banorët të bëhen pjesë e tij.” – tha ministrja Kumbaro.

Ministrja u shpreh se nga janari deri në muajin shtator, 4.5 milionë vizitorë kanë vizituar zonat e mbrojtura, duke tejkaluar totalin e një viti më parë, ccka tregon interes në rritje për turizmin natyror.

 

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.