Trashëgimnia historike e kulturore si një atraksion turistik – Blendi Gonxhja: Boom-i i turizmit kulturor mbështetje për ekonominë

 

Rritjen e vizitorëve në sitet arkeologjike, kulturore por edhe numrin në rritje të aktiviteteve kulturore ministry I ekonomisë dhe Kulturës Belndi Gonxhja e cilësoi si një bum turistik që po ndihmon në një zhvillim ekonomik të qëndrueshëm. Sipas Gonxhes kjo që po ndodh ishte e pamendueshme vetëm pak vite më parë.

Gjithnjë e më shumë turistë, familje e media botërore i referohen trashëgimisë sonë kulturore, etnografisë, arkitekturës së qyteteve historike, zbulimeve arkeologjike e siteve pasuri botërore, festave në kalatë panoramike, traditave, muzeve e folklorit tonë marramendës – mes artit, ekspozitave e aktiviteteve pa fund që ndezin gjatë gjithë vitit sheshet e atmosferën – në lagjet e rijetëzuara dhe monumentet e restauruara, falë një investimi e  angazhimi epokal nga buxheti ynë i shtetit dhe nga partnerët tanë, që sot na bën krenarë kur u hapim shtëpinë turistëve e u lëmë atyre mbresa për ta promovuar dhe shtrirë imazhin e Shqipërisë përtej kufijve , për t’u rikthyer edhe më të shumtë në numër e në ditë qendrimi, për ta eksploruar vendin tonë edhe me guida e ekperienca të tjera aventure, sportesh natyre, kulinarie e sociale.

Sipas ministrit Gonxhja projektet e restaurimeve si edhe larmia e aktiviteteve kulturore ishin një vlerë e shtuar në këtë sezon turistik veror që sapo u mbyll.

Kemi organizuar mbi 600 evente artistike e kulturore në mbarë vendin, duke shënuar një rritje të jashtëzakonshme prej 150% krahasuar me vitin e kaluar. Shfaqje, koncerte, eksperienca inovative e gjithëpërfshirëse dhe ekspozita të hapura për publikun kanë sjellë një mozaik të larmishëm artistik e argëtues për mbi 500,000 spektatorë.

Duke parë nga e ardhmja Gonxhja theksoi se rritja e kapaciteteve njerëzore është një përparësi

Fokusi ynë sot shkon tek kualifikimi i kapaciteteve njerëzore, duke inkurajuar aktivisht regjistrimin e studentëve në programet e arsimit profesional, ku vetëm në vitin e ri akademik, janë regjistruar 4,700 studentë, 10% më shumë se në vitin e kaluar, ku gjithmonë e më shumë rritet interesi për sektorin turistik.

Po ashtu Gonxhja deklaroi se turizimi, duke rritur kërkesën për mallra  ka krijuar mundësinë që industria jonë e lehtë të zhvillohet.

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.