Turqia investon për energjinë e gjelbër – Qeveria synon trefishimin e kapacitetit deri në vitin 2035

Kristi Ceta/SCAN

 

Ministri i Energjisë dhe Burimeve Natyrore Alparslan Bayraktar tha se Turqia dëshiron të trefishojë kapacitetin e energjisë së erës dhe diellore deri në vitin 2035.

Sipas ministrit, tre sfidat kryesore për sektorin energjetik të vendit janë plotësimi i kërkesës nga familjet, ulja e varësisë nga importi dhe kryerja e tranzicionit energjetik, shpjegoi ministri. Ai pranoi se dy të tretat e energjisë primare vijnë nga jashtë.

Turqia dëshiron të rrisë kapacitetin e saj të energjisë së erës dhe diellit në 100 GW (gigavat) në total deri në vitin 2035, nga 30 GW aktual. Kohët e fundit vendi arriti në 16 GW në kapacitetin operativ fotovoltaik.

Termocentralet konvencionale bërthamore, si dhe reaktorët e vegjël modularë duhet të hyjnë në përzierjen e energjisë, shtoi ministri. Nga këto burime, vendi synon një kapacitet të kombinuar prej 20 GW deri në vitin 2050.

Qeveria po punon për kërkimin dhe nxjerrjen e mineraleve kritike dhe zgjerimin e kapaciteteve të transmetimit të energjisë elektrike për të integruar më shumë burime të rinovueshme.

Bayraktar theksoi se Turqia ka investuar shumë në infrastrukturën e gazit natyror, duke përfshirë tubacionet, projektet ndërkombëtare dhe depozitimin nëntokësor. Ajo ka tregun e katërt më të madh të gazit në Evropë, me një konsum prej 50 miliardë metrash kub në vit.

Vendi ka ambicien për ta bërë ekonominë neutrale ndaj karbonit deri në vitin 2053. Përpjekjet përfshijnë mbështetjen për prodhuesit vendas të pajisjeve të energjisë dhe për kërkesat në këtë sektor.

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.