“Zgjidhni Francën” regjistron rekord – Nisma e Macron siguron 15 miliardë euro nga investitorët e huaj

Franca ka arritur të sigurojë një rekord prej 15 miliardë euro që investitorët e huaj synojnë të investojnë në vend, që nga inteligjenca artificiale, te farmaceutika dhe energjia, Presidenti Emmanuel Macron priti krerët e kompanive globale në samitin vjetor “Zgjidh Francën”, zhvilluar në Pallatin e Versajës.

Presidenca franceze tha se investimet përfshijnë 56 projekte të ndryshme biznesi dhe mund të çojnë në krijimin e 10,000 vendeve të punës. Microsoft tha se do të investojë 4 miliardë euro në Francë në infrastrukturën e saj cloud dhe të Inteligjencës Artificiale. Ditët e fundit edhe Amazon deklaroi një investim prej 1.2 miliardë euro, për të rritur logjistikën e saj, si dhe infrastrukturën cloud të Shërbimeve Ueb.

Ndër grupet e tjera që planifikojnë të rrisin praninë e tyre në Francë, kompanitë e barnave Pfizer, AstraZeneca, Novartis dhe GSK, njoftuan investimet së bashku me vlerë mbi 1 miliard dollarë. Firma estoneze e ruajtjes së energjisë me fuqi të lartë Skeleton Technologies u zotua të investojë 600 milionë euro gjatë pesë viteve dhe të krijojë 300 vende pune.

Grupi i plehrave kimike me bazë në Spanjë, FertigHy, planifikoi të investojë 1.3 miliardë euro në një fabrikë me bazë hidrogjeni me emetim të ulët në Francën veriore, duke krijuar 250 vende pune.

Franca po pozicionohet si një qendër evropiane e inteligjencës artificiale dhe investimet do të ndihmojnë në ndërtimin e infrastrukturës së të dhënave kritike për të mbështetur bizneset fillestare me rritje të shpejtë.

Presidenti i Microsoft tha se investimi pasqyronte angazhimin e Francës për një program energjie me karbon të ulët dhe reformat e biznesit të Macron. Zyrtarët e qeverisë nuk dhanë detaje se çfarë mbështetjeje publike financiare dhe të tjera janë ofruar, por shteti ofron kredi tatimore për lloje të caktuara të investimeve të gjelbra dhe kërkimit dhe zhvillimit.

Dorian Koça/SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.