Zhvillohet finalja kombëtare e Konkursit të Parasë 2023 – Brumbulli: Pjesëmarrje rekord 463 ekipe, edukimi financiar prioritet i Shoqatës së Bankave
![](https://scantv.al/wp-content/uploads/2023/03/AAB-765x383.jpg)
926 nxënës të grup moshës 13-15 vjeç nga 89 shkolla nga i gjithë vendi janë bërë këtë të enjte pjesë e konkursit të pestë Europian të Parasë. Konkursi, ku nxënësit testuan njohuritë e tyre financiare, u organizua nga Shoqata Shqiptare e Bankave (AAB), në bashkëpunim me Bankën e Shqipërisë dhe me mbështetjen e Ministrisë së Arsimit dhe Agjencisë së Sigurimit të Depozitave.
Ekipi fitues i finales kombëtare të konkursit të Parasë 2023 është nga shkolla 9-vjeçare “Imelda Lambertini” në Elbasan dhe përbëhet nga nxënësit: Henri Terolli dhe Armi Tafa. Ekipi fitues i vendit të dytë është nga shkolla “Sotir Gurra” në Korçë dhe përbëhet nga nxënësit: Oresti Çela dhe Georg Qafzezi. Ekipi fitues i vendit të tretë është nga shkolla 9-vjeçare “Kongresi i Manastirit” në Tiranë dhe përbëhet nga nxënësit: Mario Ballo dhe Dart Ymeraj.
Skuadra fituese do të konkurrojë duke përfaqësuar Shqipërinë në finalen evropiane të Kuizit të Parasë, e cila do të zhvillohet në Bruksel më 16 maj 2023. Ekipet fituese do të shpërblehet nga Agjencia e Sigurimit të Depozitave (ASD) dhe Banka e Shqipërisë sipas çmimeve të shpallura më parë, kurse pjesëmarrja në konkursin evropian do të mundësohet nga Raiffeisen Bank.
Lorenc Rabeta/SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.