15 produkte shqiptare certifikohen me Global GAP – Osmani: Po bëhemi kokurrues në tregjet europiane

Alida Lula  /SCAN

15 produkte bujqësore shqiptare janë certifikuar së fundi me Global G.A.P. Eksperti  Gramos Osmani, thekson se Shqipëria është në rrugën e duhur, madje jemi pozicionuar si një vend mjaft atraktiv dhe ku produktet vendase po konukurrojnë denjësisht në tregjet ndërkombëtare.

“Sektori i fruta-perimeve zë një peshë shumë të rëndësishme në ekpsortet e produkteve bujqësore. Perimet zënë rreth 90% të totalit, por kemi një larmi të madhe produktesh dhe të certifikuara me GlobalGab, së fundi  kemi 15 certifikime të produkteve. Ky është një sinjal pozitiv që ne po depërtojmë duke konkurruar në tregje që kërkojnë standarde të larta”- thotë Osmani.

Osmani ka thënë se grupimet janë mjaft të favorizuar për të rritur bashkëpunimin, ku dhe kosto e certifikimit në grup është më e ulët.

“Kemi një trend pozitiv përsa i përket rritjes së sasisë, shpresojmë që sezoni i dytë do të jetë përfundimtar për të depërtuar në këto tregje, të cilat kanë treguar interes. Kosto e certifikimit në grup është më e ulët. Supermarkete me emër që kanë një xhiro prej 300 mln euro, tashmë po tregojnë interes për Shqipërinë. Ky është një orientim strategjik, të shesim më shtrenjtë t’i shtojmë vlerë produketeve tona. Kemi mundësi të kultivojmë më shumë sipërfaqe”-thotë eksperti.

Por Osmani thekson rëndësinë e zinxhirit furnizues nga ferma në supermarkete.

“Ky është një sinjal pozitiv. Ka filluar një proces i pandalshëm. Eksportuesit lider që janë futur në certifikim Global GAP e kanë rinovuar certifikimin me finanacat  e tyre”- thotë eksperti.

Eksperti Osmani jep edhe mesazhin për një viozion afatgjatë, Global GAP është një standard ndërkombëtar.

 

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.