16 mijë kontrolle për vjedhjen e energjisë – Në 9 muaj, Operatori i Sistemit të Shpërndarjes çon për ndjekje penale 38 subjekte
Ola Mitre / SCAN
Përgjatë vitit 2024 Operatori i Sistemit të Shpërndarjes ka ndërmarrë kontrolle për abuzime me energjinë elektrike tek subjekte të ndryshme në vend. Sipas OSSH, kontrollet janë kryer në kuadër të zbatimit të ligjit dhe luftës kundër informalitetit, teksa bazuar në analizat e riskut, gjatë periudhës janar – shtator janë ushtruar mbi 16 mijë kontrolle, tek subjektet që paraqesin mundësi abuzimi me energjinë elektrike.
Sipas të dhënave nga Departamenti i Kontrollit dhe Rikuperimit të Humbjeve, nga këto kontrolle janë konstatuar vjedhje të energjisë elektrike në 38 subjekte, të cilat janë proceduar në polici për shkelje të ligjit të energjisë. Më së shumti këto subjekte operonin në zonat bregdetare.
Gjithashtu, nga kontrollet e ushtruara në mbarë vendin, 59 subjekte nuk tarifoheshin në bazë të llojit të aktivitetit që ushtronin. Këtu përfshihen raste kur bizneset paguanin sipas tarifës që aplikohet për konumatorë familjarë, që është më e ulët.
Nga inspektimet në terren u identifikuan rreth 18 mln kilovat të pamatura, të cilat iu faturuan abuzusuesve. Vjedhjet e energjisë janë një prej arsyeve të nivelit të lartë të humbjeve në rrejtin e shpërndarjes.
Ndërkaq, Operatori i Sistemit Shpërndarjes u bën apel klientëve apo subjekteve të mos bien pre e skemave mashtruese të ndërhyrjes në matës apo furnizimit me linjë të dytë jashtë matjes, pasi do të përballen me forcën e ligjit pa asnjë kompromis
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.