Champions League, sfida është edhe financiare – Manchester City, në krye sa i përket vlerës së tregut

Kanë nisur ndeshjet e para të Champions League 2023-2024, ku 32 skuadra garojnë në 8 grupe. Pas fitores sezonin e kaluar, Manchester City i Pep Guardiolës konsiderohet si kandidati kryesor për fitoren, pasuar nga Bayern Munich, Real Madrid, PSG dhe Barcelona.

Megjithatë, ekziston një garë tjetër, ajo financiare. Renditja është kryer nga SportingPedia, që shqyrtoi vlerat e tregut të çdo ekipi pjesëmarrës dhe aksionet e tyre përkatëse në vlerën totale të grupit në të cilin do të luajnë.

Raporti i SportingPedia arrin në përfundimin se skuadrat që konsiderohen si favoritë nga kompanitë e basteve janë të njëjtat që kryesojnë grupet edhe për sa i përket fuqisë financiare. Manchester City, PSG dhe Arsenali kalojnë vlerën 1 miliardë euro, me Real Madridin pak më poshtë me 991 milionë euro, i ndjekur nga Bayern me 897.1 milionë dhe Barcelona me 814.3 milionë.

Në sezonin 2023/24 të Champions League, dallohen grupet F me PSG në krye dhe A me Bayern), të dyja me një vlerë totale tregu prej më shumë se 2 miliardë euro. Në grupin F skuadrat pjesëmarrëse kanë vlera më të balancuara në treg, krahasuar me ato të grupit A.

Në grupin F, PSG me një vlerësim prej 1 miliard e 80 milionë euro ka peshën më të madhe me 40.4% të totalit, ndërsa skuadra me vlerën më të ulët, Borussia Dortmund, mban 17.5% me 467 milionë euro. Në mes janë Newcastle me 598 milionë (22.4% e vlerës së të gjithë grupit) dhe Milani me 529.15 milionë (19.8%).

Në grupin A, Bayern Munich me 43% dhe Manchester United me 42.3% duken më të fortë në krahasim me Galatasaray (245.75 milionë euro) dhe Kopenhagen (62.65 milionë euro). Danezët përfaqësojnë vetëm 3% të vlerës totale financiare të grupit, që është gjithashtu pjesa më e ulët e të gjitha grupeve.

Në grupin C, vlera financiare e Real Madrid është e padiskutueshme, e vlerësuar në 991 milionë euro zë 52,5%, ndërsa Napoli vlen pothuajse sa gjysma me 577,65 milionë euro, ose 30,6% të grupit. Më pas vijnë në rend kronologjik Union Berlin dhe Braga.

Më i ekuilibruar paraqitet grupi E, me Atletico Madrid që mban kreun me 442 mln euro, ose 42% të grupit, më pas Lazio me 284,58 milionë euro (27%), ndjekur nga  Feyenoord (204.73 milionë e barabartë me 19.5%) dhe Celtic (121.25 milionë, ose 11.5%).

I pari në një grup shumë të balancuar D është Interi me një vlerë tregu prej 523.35 milionë euro (35.6%), përpara Real Sociedad (397.75 milionë), Benfica (344.5 milionë) dhe RB Salzburg (206.5 milionë).

 

Skuadra më e favorizuar edhe nga pikëpamja financiare, është padyshim Manchester City, i cili me vlerën e tregut prej 1 miliard e 180 milionë euro i kalon shumë skuadrat e tjera të grupit G dhe i vetëm zë 68,9% të vlerës së të gjithë grupit, ndërsa RB Leipzig me 403.1 milionë, ka një peshë specifike të barabartë me 23.5%.

Torta prej 2 miliardë eurosh tashmë është në tryezë për 32 klubet që marrin pjesë në kompeticionin më të mirë europian të futbollit. Megjitahatë, ka një pjesë të të ardhurave që mund të arrihet vetëm duke fituar në fushë dhe që vlen rreth 600 milionë euro.

Dorian Koça/SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.