Amerikanët blejnë prona në Londër – Shpenzimet për pasuri të paluajtshme rriten në nivelin më të lartë në tetë vjet

Investitorët amerikanë po blejnë prona komerciale në Londër me ritmin më të shpejtë në tetë vjet, të joshur nga të dhënat se tregu në Britani po rimëkëmbet më shpejt se në Shtetet e Bashkuara. Vlerat e transaksioneve në pasuri të paluajtshme globalisht arritën nivele minimale në vitet e fundit – përfshirë në Britani – pasi rritja e kostove të huamarrjes dhe largimi i punonjësve nga zyrat gjatë pandemisë kanë tkurrur investimet.

Interesi i investitorëve të SHBA-së në Britani po rritet, i ndihmuar nga “bazat më tërheqëse të qirasë” dhe një dollar më i fortë kundrejt paundit.

Sipas të dhënave, investitorët me bazë në SHBA shpenzuan 1.9 miliardë paund (2.4 miliardë dollarë) në pronat komerciale në Londër në periudhën janar-mars 2024, në rritje mbi 6 herë krahasuar me një vit më pare.

Marrëveshjet e profilit të lartë përfshinin blerjen prej 275 milionë paundë nga MCR Hotels të BT Toëer në qendër të Londrës, me ish-kullën e shquar të telekomunikacionit që do të shndërrohej në një hotel luksoz dhe blerjen e Elliott Management dhe Oval Real Estate me 300 milionë paund.

Tensionet e brendshme politike të SHBA ndikuan më së shumti në rritjen e investimeve amerikane jashtë vendit.

Britania pritet të bëhet përfituesi më i madh i investimeve amerikane në pasuri të paluajtshme jashtë shtetit, me 13 miliardë dollarë që parashikohen këtë vit, nga 10 miliardë dollarë në 2023.

Dorian Koça/SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.