22.5 mln lekë ilaçe për qendrat e zonave turistike – Hapet tenderi për 30 ambulanca verore dhe 74 qendra shëndetësore dimërore

Operatori i Shërbimeve të Kujdesit Shëndetësor ka hapur tenderin për blerjen e barnave dhe materiale të mjekimit për qendrat shëndetësore që mbulojnë me shërbim zonat turistike verore dhe dimërore.

Fondi limit i vënë në dispozicion është 22.5 mln lekë, ndërsa ilaçet dhe materialet mjekësore do të shërbejnë për një periudhë 12 – mujore. Sipas dokumenteve të tenderit, janë 74 qendra shëndetësore që mbulojnë sezonin e dimrit dhe 30 qendra të tjera që shërbejnë gjatë sezonit veror.

Hapja e këtyre qendrave shëndetësore kryhet në funksion të mbështetjes së sektorit turistik, teksa kjo politikë ka disa vite që ndërmerret. Që prej nisjes së saj numri i qendrave që ofrojnë shërbim shëndetësor për turistët ka ardhur në rritje, teksa pak ditë më parë u bë me dije se edhe këtë vit do të ketë një rritje të ambulancave që do ofrojnë shërbim shëndetësor për qytetarët.

Më konkretisht, për të përballuar fluksin në rritje të turistëve, nga data 1 qershor parashikohet të nisin ofrimin e shërbimit edhe 4 qendra në Hamallaj, Radomirë, Jalë dhe Bogë, duke e çuar në 34 numrin total.

Gjatë sezonit veror, në veri të vendit do të funksionojnë 10 qendra, në Shqipërinë e Mesme 9 qendra shëndetësore dhe në zonën e jugut 15 të tjera. Aktualisht, ka nisur puna për rekrutimin e stafit mjekësor, që do të jenë në dispozicion të pushuesve 24 orë, në 7 ditë të javës.

Qendrat shëndetësore që mbulojnë me shërbim zonat turistike verore (Pika Verore)

1. Gjiri Lalëzit
2. Plazhi Currila
3. Plazhi Durrës
4. Plazhi Sh. Kavajës
5. Plazhi i Golemit
6. Plazhi M. Robit
7. Plazhi Spille
8. Plazh Pogradec
9. Valbonë
10. Razëm
11. Tamarë
12. Theth
13. Plazhi Velipojë
14. Plazhi Rrjollë
15. Plazhi Shëngjin
16. Plazhi Tale
17. Plazhi Divjakës
18. Plazhi Darzezë
19. Plazhi Zvërnec
20. Plazhi Vlorë
21. Plazhi Orikum
22. Plazhi Radhimë
23. Palasë
24. Plazhi Dhërmi
25. Plazhi Drimadhas
26. Plazhi Himarë
27. Plazhi Qeparo
28. Plazhi Borsh
29. Plazhi Ksamil 1
30. Plazhi Ksamil 2

Parashikohet të hapen shtesë

31. Hamallaj
32. Radomirë
33. Jalë
34. Bogë

Ola Mitre / SCAN

 

 

 

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.