Blerjet online gjatë orarit të punës – Pse kjo është një gjë e mirë?!

Në ditët kur zgjedhim të lundrojmë, ne kemi provuar se jemi të prirur për blerje online. Studiuesit thonë se ne përfundojmë duke shfletuar gjithçka, nga pasta e dhëmbëve deri te biletat e koncertit, ndërsa tundim kokën në një video-telefonatë të grupit Zoom dhe shtypim detajet e kartës tonë ndërmjet e-maileve për shefin tonë.

Sigurisht që mbushja e koshave për 8 orë është e keqe, por nëse bëhet për disa minuta ndërsa bëni një pushim të shkurtër, sigurisht që nuk do të dëmtojë produktivitetin, përkundrazi.

Pa askënd mbi ne, ne mund të thyejmë monotoninë e një dite tjetër pune me kënaqësinë e blerjes së një palë këpucëve të reja… edhe nëse ndonjëherë mund të pendohemi.

Hulumtimi i ri nga Universiteti Stanford, zbulon se pandemia shkaktoi një “shpërthim” të blerjeve në internet, që vazhdon. Vitin e kaluar, për shembull, konsumatorët amerikanë shpenzuan një total prej 375 miliardë dollarësh më shumë.

Shumica e kësaj rritjeje është për shkak të njerëzve që punojnë në punë hibride ose në distancë. Të dhënat tregojnë se në zonat ku banorët punojnë nga shtëpia, blerjet online janë rritur, ndërsa janë rikthyer në nivelet para pandemisë në zonat ku shumica e njerëzve punojnë për bukën e gojës.

Së bashku me shëtitjen e qenit dhe ngrënien e një vakti të shpejtë, blerja ndërsa punojmë është një mënyrë për të përdorur kohën tonë në mënyrë efikase.

Shpenzimet javore në internet arrijnë kulmin nga ora 10:00. deri në orën 13:00. të premteve ndërsa javës së punës i afrohet fundi. Më shumë se një e katërta e grave të anketuara vitin e kaluar nga Rakuten thanë se zakonisht blejnë online gjatë orarit të punës. Për gjeneratën Z, shifra është 41%.

Tregtarët gjithashtu po rrisin investimet e tyre në teknologji dhe po mbushin faqet e tyre të internetit me më shumë produkte. Rekomandimet e bazuara në algoritme bëhen aq personale saqë mund të ndiheni sikur ata i dinë dëshirat tuaja përpara se t’i thoni.

Dorina Kurtaj /SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.