3 mln euro programi UBT-BOKU, ristrukturim i thellë – Kapaj: Pas 3-4 vitesh studentë me diploma duale

Univeristeti Bujqësor i Tiranës po finalizon marrëveshjen me një nga univeristetet më të njohura, atë të Boku në Vjenë. Përfaqësues nga ky univeristet kanë ardhur në univeristetin Bujqësor të Tiranës, ku po përmbyllen dhe specifikohen detajet e kësaj marrëveshjeje. Ilir Kapaj, zëvendësrektor i UBT për SCAN tv ka folur për objektivat kryesorë pas përpjekje3 tre-vjeçare, ku ky universitet do t’i nënshtrohet një transformimi të thellë dhe ku do të ketë bashkim të disa programeve Bachelor dhe kërkmit shkencor.

“Presim ristrukturim total të funksionaliteteve të UBT, ofertës akademike, edukimit shkencor dhe të menaxhimit administrativ të universitetit. Një nga pritshmëritë që ne kemi pas implementimit të këtij projekti 3-vjeçar me BOKU të Vjenës, është pikërisht reduktimi i programit Bachelor. Për të diskutuar me të gjithë aktorët e përfshirë nga kjo ofertë akademike, pra tregun i cili pret të diplomuarit tanë për t’i punësuar, çfarë ata kërkojnë nga të diplomuarit tanë në terma të njohurive, kapaciteteve dhe aftësive që ata duhet të kenë” – thotë Kapaj.

Kjo marrëveshje sipas Kapaj pritet të sjellë rritjen e kërkesave të të rinjve shqiptarë, ndërkohë diplomat duale mund të konkretezohen pas 3-4 vitesh.

“Marrëdhëniet dhe kontaktet me BOKU, do të vazhdojnë më tej. Ne presim që në fund të këtij procesi, pas 3-4 vitesh të fillojmë me diplomat e para duale, krahas diplomave të tjera që kemi me disa universitet”- shton Kapaj.

Marrëveshja për transformimin e UBT mbështet me financim rreth 3 milionë Euro, ku qeveria shqiptare përmes programit të ndërkombëtarizimit ka marë peshën kryesore me 2/3 e buxhetit.

“Kemi financim prej rreth 3 milionë euro, nga të cilat 1 mln euro financohen nga qeveria austriake n.p.m universitetit të BOKU, ndërsa 2 mln euro financohet nga qeveria shqiptare, ku kjo e fundit ka marrë peshën kryesore duke ofruar 2/3 e buxhetit”- thekson zëvendësrektori Kapaj.

Boku i Vjenës, është universiteteti më i mirë sot në shkencat e jetës në Europë dhe më i rankuari në Botë.

Alida Lula /SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.