Britania pritet të rrisë taksat – Starmer paralajmëron “vendime jopopullore” për të përmirësuar ekonominë

Kristi Ceta/SCAN

 

Kryeministri britanik Keir Starmer tha se do t’i duhej të merrte vendime jopopullore, duke rritur mundësinë e taksave të mëdha për të pasurit dhe shkurtimet e shpenzimeve, në përpjekje për të rregulluar një mori problemesh në vend.

Sipas tij, problemet e Britanisë do të thelloheshin përpara se të përmirësoheshin më vonë.

I zgjedhur në një fitore dërrmuese në korrik, Starmer është zotuar të rindërtojë shoqërinë britanike, duke thënë se trazirat kundër emigrantëve të këtij muaji pasqyruan përçarjet që kanë zënë vend, të nxitura nga ajo që ai e përshkroi si “dëshirën e konservatorëve për populizëm”.

Ai gjithashtu fajësoi qeverinë e fundit që e la atë të zhytur në 22 miliardë paund (29 miliardë dollarë) borxhe, gjë që e kishte detyruar atë të merrte disa vendime të vështira si kufizimi i pagesave të karburantit për të moshuarit.

Partia Konservatore e opozitës akuzon Partinë Laburiste të Starmerit se e portretizon situatën fiskale si shumë më keq se sa është, për të rritur taksat pas fushatës së zgjedhjeve.

Starmer tha se planifikoi t’i përmbahej atij zotimi, por do të kishte dhimbje afatshkurtër në ato që ai tha se do të ishin “vendime jopopullore” për të mirën afatgjatë.

“Buxheti që vjen në tetor do të jetë i dhimbshëm. Ata me shpatulla më të gjera duhet të mbajnë barrën më të rëndë,” tha ai në një fjalim para votuesve që takoi gjatë fushatës zgjedhore, duke iu referuar një deklarate fiskale që duhet të mbahet më 30 tetor.

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.