Kryeministri Rama, takim me kryebashkiakët – U kërkon më shumë impenjim për emergjencat dhe shërbimet publike

 

Gjatë një takimi me krerët e njësive vendore, kryeministri Edi Rama u ka kërkuar më shumë impenjim në drejtim të emergjencave, si dhe shërbimeve publike.

Sipas tij të gjitha vendet duhet të përballen me zjarret në verë dhe përmbytjet në tre stinët e tjera.

Por, Rama theksoi se dobësia në reagimin e strukturave nuk mund të neglizhohet.

Ai u shpreh i pakënaqur me kryebashkiakët edhe për platformën e Bashkëqeverisjes, duke thënë se është shumë i ulët niveli i angazhimit me qytetarët në këtë platformë.

Kreu i ekzekutivit tha se brenda këtij muaji do të prezantohet ‘Paketa e Maleve’, që synon të mbështeten emigrantë për të hapur biznese, apo edhe ata që jetojnë në Tiranë por kanë një pasuri që do përfshihet në paketën e Maleve.

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.