Më shumë mundësi për mbrojtjen e të drejtave të qytetarëve – Shqipëria, pjesë e protokollit të OKB-së për të drejtat ekonomike e sociale

Ernilda Luzi/ Scan

 

Qeveria shqiptare ka paraqitur në Kuvend projektligjin për “Për aderimin e Republikës së Shqipërisë në protokollin opsional të Paktit Ndërkombëtar për të Drejtat Ekonomike, Sociale dhe Kulturore” bërë në Nju Jork.

Ky protokoll ka në themel parashikimin e procedurës së ankesave për të drejtat ekonomike, sociale dhe kulturore, në rast të pretendimeve për shkelje të të drejtave që parashikohen në pakt dhe gjithashtu ofron një mekanizëm për individët dhe grupet që pretendojnë shkelje të të drejtave të tyre.

Ky hap synon të forcojë mbrojtjen e të drejtave të grupeve më vulnerabël në Shqipëri, duke përfshirë personat me aftësi të kufizuara, gratë dhe minoritetet.

Gjithashtu, aderimi do t’u japë mundësinë qytetarëve shqiptarë të ankohen në nivel ndërkombëtar për shkeljen e të drejtave ekonomike, shoqërore dhe kulturore, duke u siguruar që të drejtat e tyre respektohen me më shumë mbështetje e ekspertizë ndërkombëtare.

Protokolli opsional i OKB- së është miratuar në vitin 2008 dhe u jep mundësi grupeve apo individëve të cenuar të kenë ankes në një sistem ndërkombëtar  drejtësie, në rast se të drejtat shkelen nga autoritet kombëtare.

Ky projektligj i hartuar nga Ministria e Ekonomisë, Kulturës dhe Inovacionit shihet si një hap i rëndësishëm drejt përmirësimit të legjislacionit kombëtar dhe përforcimit të mekanizmave të brendshëm, duke i bërë të drejtat e qytetarëve më të prekshme dhe më të mbrojtura në praktikë.

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.