Ndërtimi dhe shërbimet, në “listën e zezë” – Janë sektorët më problematikë me nëndeklarimin e pagave

Elisabeta Dosku/Scan

 

Aktualisht, në skemën e pensioneve kontribuojnë 810 mijë individë,  por pavarësisht numrit në rritje, buxheti i shtetit i duhet të financojë shpenzimet për skemën, që janë shumë më të larta se të ardhurat.  Qeveria ka identifikuar si dy sektorët më problematikë me nëndeklarimin e pagave atë të ndërtimit dhe të tregtisë hoteleri, bare dhe restorante.

33/ Olta Manjani, Zv.ministre e Ekonomisë, Kulturës dhe Inovacionit

Të dhënat tregojnë se ka nëndeklarime të pagave reale në këto sektorë, për efekt të pagesës së kontributeve shoqërore, ndërkohë që rritja e tyre është shumë e lartë.

Nga ana tjetër, një problematikë që do të marrë zgjidhje, është fakti se janë mijëra individë të cilët rezultojnë të deklaruar në tatime por që nuk u  janë paguar sigurimet shoqërore.

Sink/ Blendi Gonxhja,  Ministër i Ekonomisë, Kulturës dhe Inovacionit

“Kemi mijëra individë të cilët kanë deklaruar në tatime por kontributet nuk janë paguar në ISSH 100 milionë euro debitorë, mes këtyre ka dhe institucione publike. Një pjesë e pagës në bankë dhe një pjesë cash ka pasoja në të ardhmen. Po punojmë dhe po ndërtojmë një plan për një ndërhyrje sa më të shpejtë”.

Bizneseve u janë dërguar letra të personalizuar, duke i shtyrë që të deklarojnë pagat reale, dhe nëse nuk do të ketë reagim, atëherë do të nisë punë taskforca që do të ngrihet për këtë qëllim.

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.